Bi urteko haurrentzako EAEko hezkuntza eskaintzan, zein pisu du sare publikoak eta zein itunpekoak?
Bi urteko haurrentzat Eusko Jaurlaritzak planifikatutako hezkuntza eskaintza aztertu du STEILAS sindikatuak. Sare publikoa eta itunpekoa “lehian dauden udalerrietan”, itunpeko eskaintza handiagoa dela nabarmendu du, bereziki 10.000 biztanletik gorako herrietan.
EAEn hezkuntza eskaintzen duten 187 udalerrietako 113tan sare publikoa soilik eskaintzen da, eta horietatik 43 eskola txikiak dira. Zortzi udalerritan ez dago eskaintza publikorik (La Puebla de Labarka, Iruraiz, Loiu, Anoeta, Ibarra, Irura, Lazkao eta Usurbil), eta STEILASek salatu du herri horietan ikastetxe publikoa sortu beharrean eragin-eremua handitu dutela –alegia, sare publikoan matrikulatu nahi izanez gero inguruko herri bat egokitzen zaiela herri horietako haurrei–.
Hezkuntza sare publiko eta itunpekoaren “arteko talka” herri zehatzetan ematen da, bereziki 10.000 biztanletik gorako herrietan, “hezkuntza eskubidea negozioa ez den herri txikietan hezkuntza publikoak bermatzen duelako eskubide hori”, sindikatuaren arabera. Zehazki, EAEko 64 udalerritan aurki ditzakegu bai ikastetxe publikoak bai itunpekoak, eta STEILASek lortutako datuek erakusten dutenez, horietatik 34 herritan itunpeko eskaintza handiagoa da publikoa baino, 28 herritan eskaintza publikoa handiagoa da, eta bi herritan parekoa da eskaintza.
Andoain eta Zamudion, %15eko eskaintza publikoa
Datuen irakurketa ere egin du STEILASek eta azpimarratu du bi sareen konkurrentzia dagoen herrietan “eskola publikoa galtzen” ari dela: “2023-2024 ikasturterako 2 urterako eskaintza ez da %45era iristen udalerri horietako 27tan. Gainera, 13 herritan ez da %35era iristen, muturreko kasuekin, hala nola Zarautzen (%32ko eskaintza publikoa), Leioan (%30), Durangon (%28), Bermeon eta Orion (%26), Tolosan (%24), eta Andoainen eta Zamudion (%15).
“Eskaintza publikoa eta itundua dagoen lekuetan, itunpeko eskolak eskaintzen ditu ikaspostu gehien, eta eskola publikoari eginkizun subsidiarioa uzten dio. Egoera hori larriagotu egiten da itunpeko eskola-plazen gehiegizko eskaintza dagoen herrietan, behar diren plazen oso gainetik, eta udalerriko eskolatze-premia guztiak ere gainditzen dira kasu batzuetan”.
Aldiz, soilik eskola publikoa duten hainbat udalerritan plaza publiko nahikorik ez dagoela eta ondorioz herri horietako eskolatze beharrak ez direla asetzen gaineratu du, esaterako Berriz, Derio, Urduliz, Legutio, Astigarraga eta Lasarten.
Itunpeko sarean gaineskaintza dagoela eta hainbat herritan beharrezkoak ez diren plazak eskaintzen ari direla ohartarazi du STEILASek, nahiz eta herri berean bete gabeko plaza publiko libreak egon.
STEILASek argitaratutako dokumentua lotura honetan irakur dezakezu.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]