Bi urte eta zortzi hilabeteko espetxe zigorrak 117 hegazti harrapari pozoiz hiltzeagatik
Kondenatuak Tutera eta Cintruenigoko bi ehiza barrutietako presidenteak eta basozain bat dira. Ehiztariei ehizaki kopurua murrizten dietelako hil zituzten harrapariak.
Iruñeko Bigarren Zigor Epaitegiak bi urte eta zortzi hilabeteko espetxe zigorra ezarri die Manuel P.G., Ángel G.J. eta Juan S.M. erriberatarrei. Horrez gain, 67.538,65 euroko kalte-ordainak ordaindu beharko dizkiote Nafarroako Foru Erkidegoari, eta 5 urtez eta lau hilabetez zinegetikarekin harremana duten arduretarako inhabilitatuak izan dira. Kondenatuek helegitea jartzeko aukera dute.
Epaitutako gertaerak 2012ko apirila eta uztaila artekoak dira. Hainbat ehiza barrutitako basozainek 117 hegazti harrapari eta lau bele aurkitu zituzten hilda epe hartan, desagertze arriskuan dauden harrapari handiak tartean. Ondoren eginiko analisiek jakinarazi zuten eragin azkarreko pozoiek –fentioia eta S-metil-demetoia– hil zituztela hegaztiak .
Hiru pertsona izan dira zigortuak, baina sententziak frogatutzat eman du pozoiketa masiboa lau ehiza barrutietako zuzendaritzek planifikatu zutela; bi Tuterakoak, Cintruenigokoa beste bat eta Fiterokoa laugarrena. Pozoitutako hegaztiak eperren eta erbien harrapariak dira, eta horien kopurua murrizten dute. Ehiztarien ehizaki nagusiak ere badira eperrak eta erbiak; hori izan zen pozoiketa planifikatuaren zioa.
Epaiketan Ekologistak Martxan, SEO/BirdLife eta WWF elkarte ekologistek akusazio partikular gisa jardun dute. Sententziak tankerako ekintzek eragiten dituzten kalte ekologikoez eta horien ondorio penalez ohartarazteko baliagarriak izatea espero dute.
“No a la Caza” (NAC) plataformak ehiztariek erabiltzen dituzten txakurrak Animalien Ongizaterako Estatuko Legean sartuta egotea exijituko du, besteak beste. Donostian, Bilbon, Iruñean eta Espainiako Estatuko beste hiri askotan deitu dituzte mobilizazioak.
Talde ekologistak txalotu egin du Jaizkibelgo inguruetan belatz handi bat tiroz bota ostean Gipuzkoako Foru Aldundiak hainbat ehiza postu itxi izana. Agintariei eskatu die zuzenean Fiskaltzan salaketa jartzeko horrelako kasuetan.
Ehizarako hamabost dorre eta zazpi posturi eraso egin diete Jaizkibel, Jarindo, Kastañarri, Gorbeia, Arrikurutz eta Kintoa mendietan. Euskal Herriko Animalien Askapen Fronteak hartu ditu bere gain animalien "egoera tamalgarria" eta "ehiztarien... [+]
2014an debekatu zuen Gipuzkoako Foru Aldundiak Ulia mendian ehiza egitea, baina legeak zituen akats batzuk baliatuz, epai batek ehiza baimendu zuen berriz ere 2019an. Orain, akatsak zuzenduta, Gipuzkoako Aldizkari Ofizialak iragarri du irailaren 1etik aurrera ezingo dela... [+]
Merkatu eta dendetan objektuekin egiten den gisan, animaliak hiltzen ere eskaintza bereziak egiten dituzte. Afrikan animaliak ehizatzeko enpresa batek lehoietan 2x1 eskaintzen du. Azken urteotan lehoien kopuruak izugarri behera egin badu ere, plazerez hiltzea legezkoa da.
Martxotik hasi eta iraila bitartean Gipuzkoako Ehiztarien Federazioaren eta Gipuzkoako Foru Aldundiaren arteko tira-bira lotsagarria irakurri eta entzun dugu prentsan. Ohituta gaude baserritar eta abeltzainen interesak aitzakia hartuta lehen sektoreko enpresa eta bestelako... [+]
Errengako mairubaratz baten gainean, Lesakako udalerrian, Oiartzungo mugan, ehiza-postu bat jarri dutela eta, Eguzkik gauzak argitzeko eta, hala badagokio, erantzuleen kontra neurriak hartzeko eskatu die Nafarroako Gobernuaren Ingurumen eta Kultura sailei.
Gipuzkoako Foru Aldundiak gaurko aldizkari ofizialean argitaratu du aldaketa: bertan behera utzi du Ulian ehizan aritzeko debekua.
Gipuzkoako Ehiztarien Federazioak grebara deitu ditu ehiztariak, Gipuzkoako Aldundiari presio egin asmoz. Ehiztarien argudioak, baina, iruzurra direla salatu du Naturkon talde ekologistak eta datuak eman ditu: hamar urtetan 1.768.567 euroz lagundu du Aldundiak Federazioa.