Bi urte eta erdirainoko kartzela jokoan Kukutza defendatu zuten 19 lagunek
Astelehenean hasi da Bilbon Kukutza defendatu zuten 19 gazteren aurkako epaiketa. “Desordena publikoa” eta “erresistentzia” leporatuta, urte eta erditik bi urte eta erdirainoko zigorrak eskatzen dizkie fiskaltzak.
Lau urte beteko dira irailaren 21ean Ertzaintzak Bilboko Kukutza III gaztetxea desalojatu zuenetik. Errekalde auzoan istilu handiak gertatu ziren egun haietan, gaztetxea defendatzera atera ziren milaka herritarren eta poliziaren artean. Ertzaintza gogor oldartu zen babesa adieraztera gerturatutako jendearen aurka, eta jende ugari atxilotu zuten.
Iñaki Carro auzipetuen abokatuak Euskadi Irratian adierazi du epaiketa hau Kukutzaren aldeko “mugimendu erraldoiaren” aurkakoa dela, eta nabarmendu du auzipetuei istiluak eragitea leporatzen badiete ere, hauek gertaerak baino lehenago atxilotu zituztela.
Azken orduan Kukutzako Twitter kontutik zabaldu dutenez, epaiketa hasi da eta Udaleko abokatua ez da aurkeztu.
Kukutzaren eta Kortxoenearen defentsan manifestazioak larunbatean
Larunbatean gaztetxeen eta gune autogestionatuen alde mobilizazio jendetsuak egin dituzte Bilbon eta Donostian.
Bilbon Kukutzaren aldeko eta epaituak izango diren 19 gazteei babesa adierazteko manifestazioa egin dute Jesusen Bihotzetik abiatuta. EH Bildu, UdalBerri eta Ganemosen babesa jaso du mobilizazioak.
Donostian Groseko Kortxoenea gaztetxearen alde izan da ekimena. Giro alaiean, irailaren 4ean Udalak abiatutako desalojoaren aurka egin eta gaztetxea bizirik nahi dutela aldarrikatu dute. Topatu.info-k bi mobilizazioen jarraipen zabala egin du.
2011ko irailaren 21a ez dute Bilboko Errekaldeko auzotarrek erraz ahaztuko. Munduko alkaterik onenaren saria irabazi zuen Iñaki Azkuna jeltzaleak bidalitako hondeamakin eta ertzain saldoak eraitsi zuen Euskal Herriko gune autogestionatuetako ikurretako bat. Kukutza III... [+]
Lau hilabeteko espetxe zigorra ezarri diote zigortutako gazteari. Beste pertsona bat hiru urteko espetxe zigorra jasateko arriskuan dago, Kukutzarekin Elkartasun Taldeak (KET) gogorarazi duenez.
Batere jakin gabe Bilboko Azkuna Zentroak 200 euro eman zizkion azaroaren 12 honetan Kukutza defendatzeagatik auziperatuak izan ziren lagunei.
Bilboko auzitegiak bederatzi hilabeteko kartzela zigorra ezarri die hemeretzi gazteri Kukutzaren eraisketaren aurkako manifestazioan “desordena publikoak” eragitea leporatuta. Kartzela zigorraz gain 84.000 euroko kalte ordainak ordaindu beharko dute.
Bilbon eta Donostian mobilizazioak eginen dituzte larunbatean gaztetxeen alde. Deialdi bateratua egin dute Kukutzako 19 auzipetuei eta desalojo arriskuan den Kortxoeneari babesa adierazteko.
Bilboko Errekalde auzoko Kukutza III gaztetxea zena defendatzeagatik zigortu nahi dituzten gazteak babestera deitu du Kukutzarekin Elkartasuna taldeak. Aste Nagusiko asteazkenean, abuztuaren 26an, egingo dute elkarretaratzea, 19:00etan udaletxe aurrean.
Otsailean atera zen sententzia: Kukutzaren hutsaraztean atxilotutako 23 lagunetatik 22 absolbitu eta bat 3 urteko espetxe zigorrera kondenatu zuen epaileak, azken hori atentatu delituagatik kondenatuz. Bost hilabete geroago, fiskaltzak absoluzioa errekurritu du.
“Berri mingarriak ditugu”, adierazi dute Kukutzarekin Elkartasun Taldeko kideek ostegunean egindako prentsaurrekoan. “Duela lau urte Kukutza lapurtu ziguten berdinek gure lagunak erasotzeko duten asmoaren aurrean, beste elkartasun olatu bat piztu behar... [+]
Bide azkarretik eta hauteskunde giroan jarri diote Bilboko Alondegiari Iñaki Azkuna izena, iaz zendutako Bilboko alkatea gogora ekartzeko, baita jeltzaleak egin zuen apustua ere, “kulturak hiriaren eta pertsonen eraldaketan eragin zezan”. Erabakiaren... [+]
Agintearen aurkako erasoa egotzita hiru urteko espetxe zigorra ezarri diote Kukutzako hustearen aurkako erresistentzian parte hartu zuen gazte bati. Usurpazio delitua egozten zizkieten 23 lagunak absolbitu dituzte. Kukutzarekin Elkartasun taldeak salatu du epaileak ertzainen... [+]
2011ko irailaren 21ean hustu zuten Kukutza Bilboko Errekalde auzoko eraikin okupatua. Era bortitzean oldartu zen Ertzaintza eraikin barruan erresistentzia egin zuten gazteen aurka. Gaur oraindik epaiketen zain daude 44 lagun.
Uda osoa auzolanean emango dute Bilboko Errekalde auzoko Gazte Asanbladako kideek “Etxarri” gaztetxean lan egiten. Info7 irratiak gaztetxeko kideekin hitz egin du, txukuntze lanak nola dihoazen jakiteko.
Ostegun gauean zabaldu da albistea sare sozialetan: "Bilboko Errekalde auzoak gaztetxe berria lortu du".
Zenbakiak zenbaki, koloreak kolore, Hanburgoko gertakariek Kukutzaren eraistearen osteko egunak gogorarazi dizkidate etengabe.