Iruñeko talde bortxaketa bat argitzeko frogak ezkutatzeagatik Espainiako Poliziako agente bat ikertzen ari dira
2016an jazotako talde bortxaketaren harira, bi ikerketa lerro abiatu dira. Bata sexu erasoaren gainean, eta bestea erasoa estaltzeko Espainiako Poliziako agente batek ustez izandako esku hartzearen inguruan. Bortxaketarekin zerikusia dutenen artean, foruzain bat ere bada.
Iruñeko Instrukzioko 1. Auzitegia ari da 2016an abiatutako kasua ikertzen. Urte hartako abenduaren 8an bi emakume bortxatu zituzten Erripagaña auzoko etxebizitza batean. Emakumeak hiru gizonekin bildu ziren Otaño tabernan, tartean foruzain bat zela. Biharamunean, etxebizitza batean esnatu ziren emakumeak, lesioekin eta aurreko gauean gertatutakoaz ezer gogoratzen ez zutela. Ondorioztatu daitekeenez, bortxatzaileek substantziaren bat erabili zuten emakumeek konortea galdu zezaten.
Emakumeen lesioen eragilea bortxaketa bat izan zitekeela adieraztera eman zuen medikuaren txostena jaso zuen Espainiako Poliziak, eta abenduaren 19an gertakariaren gaineko ikerketa abiatu zuen. Egun gutxiren buruan, abenduaren 24an, erasoa pairatutako emakumeek deklaratu zuten.
Bi egunen buruan, abenduaren 26an, Espainiako Poliziak bi gizon atxilotu zituen bortxaketarekin zerikusia zutelakoan. Epaitegiko magistratuari arreta deitu zion horietako baten mugikorrean aurkitutako argazki batek: Espainiako Poliziako agente baten alaba ageri zen bertan. Jakin denez, agente hori eta kasuarekin loturan atxilotuetako bat koinatuak dira.
Kasua estaltzeko saiakera
Bortxaketa kasuan nahasita dagoenaren koinatuak gaixorik zegoela adierazi zuen abenduaren 23an, emakumeak deklaratu bezperan. Agentea ez zen urtarrilaren 2ra arte lanera itzuli, eta beraz ez zuen parte hartu kasuaren ikerketan. Alabaina, sarbidea zuen kasuaren gaineko nondik norakoak jasotzen zituen WhatsApp taldera; bertan jakinarazi zen erregistroak eta atxiloketak egingo zirela. Epailearen arabera, “egiaztatuta dago inputatuak mezu horiek irakurri zituela eta, beraz, oporretan zegoen arren, egiten ari ziren ikerketen berri zuela”. Eta gehitu duenez, koinatuaren izenarekin bilaketak gauzatu zituen Poliziaren aplikazioetan, abenduaren 13tik urtarrilaren 27ra bitartean.
Hala bada, uste da agente horrek bere koinatuari ikerketaren nondik norakoen berri eman ziola, eta uste horretatik abiatu zen bigarren ikerketa lerroa, bortxaketa estaltzeko saiakerari lotua. Ikerketa burututa, epaiketaren zain dago kasua. Emakumeak ordezkatzen dituen akusazio partikularrak lau urte eta erdiko espetxe zigorra eskatzen du poliziarentzat, informazio sekretua ezagutzera emateagatik eta delituei jarraipena egiteko eginbeharra ez betetzeagatik. Fiskaltzak, bere aldetik, absoluzioa eskatu du, susmoak egon arren frogarik ez dagoela argudiatuz.
Bortxaketaren inguruko ikerketa martxan da oraindik.
Datuen desagerpena
Kasua argitzeko baliagarri suerta zitezkeen froga batzuk desagerrarazi egin dituzte. Auzipetuetako baten sakelako telefonoaren memoria-iraulketaren emaitzak desagertu egin dira, baita Otaño tabernako kameraren irudiak ere. Kasua ikertu zuen polizia unitatearen artxiboak ere faltan dira.
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]