Bi mila lagunek hondartzetara eraman dute sakabanaketaren aurkako aldarria
Etxeratek hondartzetan mobilizazioak deitu ditu beste urte batez. Presoen arloan urratsak eskatu dizkiete estatuei, eta sakabanaketak eragin dituen 937 zaurituak eta 16 hildakoak izan dituzte gogoan. 11/13 makrosumarioko auzipetuei elkartasuna adierazi diete.
Igandean Etxeratek mobilizazioak egin ditu kostaldeko hamalau hondartzetan. Euskal Preso eta Iheslari Politikoen Senide eta Lagunen Elkarteak emandako datuen arabera, bi mila lagun mobilizatu dira orotara, Muzkiz eta Hendaia artean.
“Euskal Herriko hondartzetan gaur gure presentzia egotea, Espainiako Estatuak euskal gizartearekin daukan zorraren adierazle da”, adierazi dute Etxerateko bozeramileek Hego Euskal Herriko hondartzetan. “Konponbide” garaiak izanagatik, estatuak “zigor gehigarria, xantaia eta mendekua” praktikatzen jarraitzen duela salatu dute bildutakoek. Aurten honezkero presoen senide eta lagunek sei istripu izan dituzte, hamahiru zauritu eragin dituztenak. 30 urte direla dispertsioa hasi zenetik, istripuak 344 izan dira, zauritutako pertsonak 937, eta hildakoak 16. 20 preso gaixo larri espetxeratuta jarraitzen dutela gogoratu du elkarteak. 11/13 makroepaiketan “presoen alde lan egiteagatik” auzipetuta dauden 47 pertsonak ere izan dituzte gogoan, bereziki “Etxeraten bozeramaile izateagatik” epaituko dituzten Izaskun Abaigar eta Nagore López de Luzuriaga.
Frantziako Estatuan mugimendu gutxiegi
Frantziako Estatuari dagokionez, hondartzen “postalaren beste aldea hona heldu direnei” ikustarazteko beharraz mintzatu dira Hendaian. Presoen auzian aldaketa batzuk eman direla onartu dute, Lannemezan eta Mont-de-Marsan espetxeetara hurbildu dituzten presoen kasuak nabarmenduz. Baina oraindik ere egiteko asko dagoela aldarrikatu dute: “Ezin dugu sufrimenduaz iraganean hitz egin, oraindik ere gure oraina delako”.
Azkenaldian estatuak epaitegietan izaniko jarrera arbuiatu du Etxeratek, Lorentxa Beyrie eta Xistor Haranburu presoekin gertatutakoa gogoratuz. “Bi epaitegik Frantziako Estatuan dauden bi presoen baldintzapeko eskaerak onartu dituzte, egoera politikoaren aldaketa kontuan hartuz”. Aldiz, “estatuaren ordezkariak diren prokuradoreek deia egin zuten, preso horiek kartzelan mantenduz”. Lorentxa Beyrie eta Xistor Haranburu ez ezik, Jakes Esnal eta Ion Kepa Parot ere kalean egoteko badintza guztiak betetzen dituztela salatu dute.
Urgentzia helarazi dute Hendaian: "Denbora politikoa, denbora administratiboa, luzeak direla entzuten dugu eta ulertu dezakegu. Baina espetxe denborak presa handia du, suntsitzen ditu presoak eta haien hurbilenekoak. Aski da!".
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Raul Fuentes eta Gaizka Astorkizaga dira Euskal Herriko espetxeetara lekualdatuko dituztenak, eta Pedro Cano eta Orkatz Gallastegi hurbildu egingo dituzte. Horrez gain, Olga Comesi hirugarren gradua emango diote.