2.000 aldiz gainditu zuen gehienezko kutsadura muga 2020an Zubietako erraustegiak
Eusko Jaurlaritzaren Ingurumen Iraunkortasun sailburuordetzaren erregistroaren datuak aztertuta atera du ondorioa Ekopoleko irakasle talde batek. "Legez kanpoko funtzionamendua" egon dela esaten du txostenak.
Kutsaduraren prebentzio eta kontrol bateratuari buruzko (IPPC) araudiaren ez-betetze larriak izan dira Gipuzkoako Zubietako erraustegian 2020 eta 2021 urteetan. Tartean, 2020an isurketen gehieneko balioa (IGB) 2.000 aldiz baino gehiagotan gainditu due erraustegiak. Ekopoleko irakasle talde batek egindako ikerketaren emaitzak dira. Osagai toxikoak egon dira: NOx (nitrogeno oxidoa), COT (karbono organiko osoa), CO (karbono monoxidoa), sufre dioxidoa (SO2), HF (hidrogeno fluoruro), besteak beste. Gehiegizko isurketen ia erdia NOx gas oso toxikoarenak izan direla irakurri daiteke txostenean.
Larritasuna ez dute kontuan hartzen erraustegian gainera, Ekopolen arabera: erregistroen datuei begiratu eta ondorioztatu daiteke gehiegizko kutsadura gainditu den kasuetan, labeak hondakinez hornitzen jarraitu dutela, araudiak dioenean kasu horietan geratu egin behar dela prozesua. Horrez gain, instalazioak ez dauka kontrol automatikorik gehiegizko isurketa balioak gainditzen direnerako.
Azterturiko denboraldi horretan erraustegiak "legez kanpoko funtzionamendua" izan zuela irakurri daiteke txostenean. Erraustegia martxan jarri zuten "obrak amaitu gabe zeudenean, instalazioak erabat probatu gabe zeudenean, atmosferarako emisioen neurri zuzentzaileak oraindik ezarri gabe zeudenean, eta ez zeudenean proiektuan diseinatu eta aurreikusitako segurtasun-neurriak". Hori horrela, Ingurumen Baimen Bateraturik gabe funtzionatu zuen erraustegiak 2020ko otsailetik abuztura, eta 44.074 tona hondakin erre zituen.
240 aldiz gelditu eta abiatu
Kutsadura mugatzeko komeni da ahal bezain gutxi gelditzea erraustegia, itzaltze eta pizte tarte horretan anitzez gehiago kutsatzen duelako. Europako Batzordeak 2019ko azaroaren 12an onartutako irizpideen arteko bat da hori. Zubietako erraustegian, ordea, ez dute kontuan hartzen aholkua: 240 aldiz utzi dituzte labeak programatu gabe azterturiko bi urte horietan. Txostenaren egileen kalkuluei segi, erraustegiak urte osoan isuriko lukeenaren herena osatu dute gelditze-abiatze momentuetako kutsadura heinek. Txostenean konklusioa argi doa: "Funtzionamendu erregimen hori Europako araudiak proposatutakotik oso urrun dago".
EHUko irakasle Gorka Buenok eramandako ikerketa dago datu horien oinarrian, Ekopol diziplina anitzeko ikerketa-taldearentzat egindakoa. Gizarte zein ingurumen-arazoak lantzen ditu Ekopolek, eta beraien webgunean irakurri daitekeenari segi, "taldearen helburua gizartean garrantzia eta eragina duten gaiei buruzko ekarpenak egitea da, hala nola iraunkortasun ekologikoa eta gizarte eta ingurumen-krisia, klima-aldaketak, herritarren parte-hartzea eta ingurumen-justizia, ekonomia zirkularra eta ekofeminismoa landuz".
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Donostiako alkate ohiak webgune bat sortu du, eta plataformarekin bat egiteko eskatu die herritarrei.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra aldarrikatu.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Euskorpora elkartearen aurkezpen ekitaldi jendetsua izan da asteazkenean Donostian, eta Euskorpus izeneko egitasmoaren berri eman dute bertan. Euskorpus euskarazko hizkuntza baliabide digitalen banku bat izango da, eta 5 milioi pasa inbertituko ditu Eusko Jaurlaritzak bertan.
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Donostiako San Telmo museoko aretoa jendez bete da Irutxuloko Hitzaren hogeigarren urteurreneko ekitaldian.
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]