Bi langilek desagertuta jarraitzen dute Zaldibarko zabortegiak eragindako lubiziaren azpian
Ostegun (otsailak 7) goizaldean agintariek hala manaturik, eguerdian artean etenda zeuden Zaldibarko (Bizkaia) Eitzaga auzoan luizi handi bat eraginez galdutako bi langileen bilaketa lanak. Ostegun arratsaldean amildu ziren zabortegiaren lurrak eta AP-8 autopistaraino heldu zen milioi erdi tona baino gehiagoko hondakin masa. Bi beharginen bila ari zirela jakin zuten agintariek bertan ohiko hondakin ez arriskutsuez gain amiantoz osatutakoak ere bazirela. Autopista zabalik dago, erdia baliatuz bi norabideetarako erabiltzeko. Eta polemika piztu da zabortegiaren kudeaketa eta segurtasunaren inguruan.
Zaldibarko Eitzaga auzoan Verter Recycling enpresak kudeatzen duen zabortegian galdutako 50 eta 50 urteko bi langile dira. Ezbeharra ostegunean (otsailak 6) 16:00ak aldean gertaturik, laster hasi ziren erreskate lanak, ilundu ostean ere gauez jarraitu zutenak, harik eta agintariek goizaldeko 01:30 inguruan erabaki zuten arte lanak etetea, ostiral goizean segurtasun batzorde berezi batek jarraitzeko baldintzak erabaki arte.
Eguerdian Eusko Jaurlaritzako larrialdietarako daukan SOS Deiak jakinarazi duenez, agintari eta adituen bilera berezi batean erabaki dute gaur langileen bilaketa-lanei berriro ekitea, horretarako eskatuz amiantoa bezalako hondakin arriskutsuen erabileran trebatutako ekipo baten laguntza:
Gaur desagertutako 2 pertsonak bilatzeko lanekin berriro hasiko dira, hondakinen kudeaketan espezializatutako empresa batekin laguntzarekin._Hoy se reanudarán las labores de búsqueda de las 2 personas desaparecidas con la ayuda de una empresa especializada en gestión de residuos. pic.twitter.com/QInwdLnfK1
— SOS Deiak - 112 (@112_SOSDeiak) February 7, 2020
Ia 14 orduz egon dira etenda lanok, berriro bazkalondoko 15:00ak pasata ekiteko:
#Zaldibar -ren desagertutako bi langileak bilatzeari ekin diote berriro https://t.co/ZFNpP4cbzM
— EiTB Albisteak (@eitbAlbisteak) February 7, 2020
Etenaren arrazoia amiantoan zetzan. Ustez, Eitzagako zabortegiak hondakin ez arriskutsuak kudeatzeko baimena zeukan arren, amiantoarekin egin zuten topo bertan lanean ari zirenek. Goizean polemika piztu da baimenon inguruan. Alde batetik, (Naiz-ek aurreratu du xehetasun hau lehenbizi) hondakin arriskutsuentzat dela aipatzen duelako 2016an Eusko Jaurlaritzak Verter Recycling enpresari zabaldutako Ingurumen Baimen Bateratuan behin eta berriro espreski aipatzen delako puntu hori. Aldiz, Berria-k zabaldu duenez, agintariek istripuaren hasieratik jakin behar zuten zerekin egin zezaketen topo sorospen zerbitzuek, amiantoa biltzeko baimena espreski ematen zitzaiolako enpresari 2007an emandako Ingurumen Baimen Bateratuan.
Geroago, Eusko Jaurlaritzako bozeramaileek Radio Euskadi-n adierazi dute Verter Recyclingek bazuela amiantoa kudeatzeko baimena, Naiz-ek berak zabaldu du enpresa honek baimen hori daukala justu 2017tik.
Goizean entzun dira langileen eta sindikatuen kexuak, lehenbiziko erreskate lanetan aritu direnek amiantoa bezalako gai arriskutsu bati dagokion babes neurri barik jardun direlako. Geroago zabaldu diren irudietan, inguruan zaintza lanetan ari diren Ertzaintzako agenteak janzki bereziak beztituta ageri dira.
🔊 Roberto Seijo @Erne_sindicato 'los ertzainas y los técnicos sanitarios y de emergencias entraron en la zona de derrumbe sin tener conciencia de que había materiales peligrosos. Las informaciones llegaron muchas horas después'. #zaldibar https://t.co/8y8JujBSwb
— Boulevard R. Euskadi (@Boulevardeitb) February 7, 2020
Urte luzez Bilbotik Irun aldera edo Donostiatik Barakaldorantz joan diren milaka herritarrak ohituta zeuden Ermua inguruko bihurguneen goiko aldean ageri zen bete-lan gero eta erraldoiago hura ikusteaz. Masa itzel hori maldan behera abiatu da orain eta autopistaren erdia denbora luzez eduki beharko dute itxita: bidea oztopatzen duen pila kentzen hasiz gero gainera etorriko da goitik anitzez gehiago... eta ikusteke dago segurtasun azterketak ez ote duen autopista osorik etetea eskatuko hurrengo euritearen beldur...
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]