Bi gaztek eraso homofoboa jasan dute larunbatean, Bilboko Unamuno plazan
“Marikoiak” eta “putakumeak” zirela oihukatuz hurbildu zitzaien gizon bat hemezortzi urteko Mauricio eta Eriki. Erasotzailea identifikatu dute. Gazteek ez dute salaketarik jarri. Eraso homofobo, lesbofobo eta transfoboak salatzeko mobilizazioak egin dituzte asteburuan.
Larunbat gaueko hamabiak inguruan, bi gaztek eraso homofoboa jasan zuten Bilboko Unamuno plazan. Mauricio eta Erik, Barakaldo eta Bilboko hemezortzi urteko bi mutil, beste bost pertsonarekin zeuden Alde Zaharrean gertatutakoa jazo zenean. Taldeko bi lagunek elkarri musu ematean, gizon bat hurbildu zitzaien “marikoiak” eta “putakumeak” zirela oihukatuz.
Diario Vasco-k bildu duen bezala, Erikek zer esaten ari zen galdetu zion gizonari, eta hau oldartu egin zitzaion. Gaztea bultzatu egin zuen, eta jotzen ere saiatu zen. Bitartean, Mauriciok gertatzen ari zena grabatu zuen, eta hark ere kolpeak jaso zituen. Bi gazteek korrikan egin zuten alde lekutik, baina erasotzaileak jarraitu egin zien Areatzara arte.
Gizona urrun utzi zutenean, Erik eta Mauriciok udaltzaingoaren patruila batekin egin zuten topo Foru kalean, eta gertatutakoa kontatu zieten. Agenteek anbulantziari deitu behar izan zioten, gazteetako batek antsietate-krisia izan baitzuen erasoaren ondoren.
Mauriciok grabatutako bideoari esker, ordea, segurtasun indarrek erasotzailea identifikatu dute: 26-28 urte bitarteko gizona. Momentuz, gazteek ez dute salaketarik jarri, baina Udaltzaingoak adierazi du, seguraski, kasua epaitegira bideratuko dela.
Homofobiaren aurkako manifestazioa
LGTBQ+ kolektiboaren aurkako erasoak salatzeko, manifestaziora deitu zuten igandean Bizkaiko eta Gasteizko E28 koordinakundeak eta Donostiako koordinakunde transmaribibolloak EAEko hiru hiriburuetan. Coruñan (Galizia) duela astebete kolpez hil zuten Samuel Luis Muñiz gaztearen hilketaren harira antolatu zuten martxa. Euskal Herrian jasandako azken eraso LGBTQfoboak ere salatu zituzten igandean.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Larunbatetik iganderako gauean, jende gehiagorekin batera Hondarribiko jatetxe batetik ateratzen zelarik gizon bati beste batek iseka eta irain homofoboak egin zizkion eta jo egin zion aurpegian. Ertzaintzak erasotzailea izan daitekeena identifikatu du. Astearte arratsalde... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
50 apaiz gay italiarrek sinaturiko gutun irekiak hautsak harrotu ditu Eliza Katolikoan: ezin dutela beren sexualitateaz hitz egin, trabak jartzen zaizkiela eta seminarioetatik homosexualitatearen aurkako gorrotoa bultzatzen dela salatu dute.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.
Peppa Pig haurrentzako telesailean bi ama dituen hartzatxoa ageri da kapitulu berrietako batean, eta berau debekatzeko eskatu dio RAI telebista publikoari Fratelli D’Italia alderdi politikoak. Eskuin muturraren beste ateraldi bat da, bai, baina italiarrek gainean dituzten... [+]