21 eta 26 urteko bi gazte atxilotu zituzten Hazparnen, fiskalaren aburuz egoera “irregularrean” egoteagatik. Arratsaldean atzeman zituen poliziak, eta goizeko 1:30ak aldera askatu zituzten. Urtebete daramate etxe batean bizitzen, eta nortasun agiririk ez duten arren, jaiotze-agiriak eta mediku-laguntza baimenak badituzte. Komisaldegitik irten aurretik agiri bana eman zieten, esanez 45 egun dituztela herrialdea uzteko.
“Gizartean integratzen ari dira, eta ez dira ezkutatuta bizi”, adierazi du Xarlo Etxezaharreta hazparnearrak gaur goizean Euskadi Irratiko faktoria saioan, etxean hartu zituen gizonak. Mamadou eta Alassane izena dute 21 eta 26 urteko Boli Kostan jaiotako bi gazteek. Jende gehiagorekin batera Gurutze Gorriak Mediterraneoan salbatu ondoren iritsi ziren Granadara, eta bertan ekin zioten bien helburua zenari, Frantziara igarotzeari. Etxezaharretak urtarrilaren hasieran hartu zituen etxean.
Samuel Simon Vuelta Baionako prokuradoreak Mediabask hedabideari baieztatu zioenez, “jendarmeek jarduera susmagarria zutelakoan gelditu zituzten, eta pertsona horiek ez zuten nortasun paperik, beraz, era irregularrean ziren frantziar lurraldean, eta komisaldegira eraman zituzten beraien egoera argitze aldera”. Xarlo Etxezaharretaren alabak hedabide berdinari azaldu zioenez, bi migrante horietarik bat bizikletaz zihoala ikusi zuten jendarmeek, bere atzean joan ziren kotxez etxeraino eta bertan paperen kontrola egin eta atxilo hartu zituzten biak. Behin albistea herrian zabalduta berrehun pertsona inguru bildu ziren komisaldegiaren kanpoan, Mamadou eta Alassane askatzeko eskatuz.
Hilabete t'erdi baino ez
Jendarmeek agiri bana eman zien, zeinak frantziar estatua uzteko agintzen dien. Zehazki, "Frantziara etorri aurreko herrialdera itzuli" behar dutela dio agiriak, hots, Espainiara. Hartara, atxilotuak izan ziren komisaldegira joan beharko dute astero, estatua definitiboki uzteko erabakia hartzen dutela jakinarazi arte. Horretarako, gehin jota, 45 egun dituzte.
Xarlo Etxezaharretari egindako elkarrizketa, Euskadi Irratian:
Euskal Herrian urtebete zeramaten bi migratzaile atxilotu ditu gaur jendarmeriak Hazparnen. Ehun bat lagun bildu dira bertako jendarmerian atxilotuei elkartasuna erakusteko.
Aski da ! Euskal Herria, harrera herria ! #AtxilotuakAskatu pic.twitter.com/98s25sJIOx
— Aitzina #GukEH (@Aitzinagazte) November 11, 2018
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Ama da, Perukoa, eta ezingo luke euskara zerotik ikasten doan hasi, egunkarietan irakurri dugun moduan (gezurra zen): hemen agian bai, gurean udalak bermatzen duelako eskubide hori (Hernani). Etortzen bazait ikasturtea amaitutakoan (etorri zaizkidan moduan), alabarekin udan zer... [+]
Manteroek azken hilabeteetan Bilbon bizi duten egoeraz aritu gara Manteroekin Bat plataformaren barruan dauden hiru elkartetako kideekin: Boubacar Diouf (Mbolo Moye Doole), Luisa Menéndez (Ongi Etorri Errefuxiatuak) eta Elena Bezanilla (Bizkaiko SOS Arrazakeria). Salatu... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Andoni Gabantxo arrantzale bermeotarrak Mastodon sare sozialean argitaratu zuen haria artikulu formatuan ekartzen dizuegu, bere oniritziarekin. Gaurko errefuxiatuei buruzko eztabaidetan ez dezagun ahantz atzoko hainbat errefuxiatu gure arbasoak zirela, hemengo portuetatik ihes... [+]
Gutxienez zortzi migratzaile hil dira Manchako kanalean, Frantziako Ambleteunse hiritik Erresuma Batura zeramatzan ontzia hondoratuta. Aurten, 45 lagun hil dira jada Erresuma Batura iritsi nahian. Bestetik, Espainiako Ceutara igerian heldu nahi zuen pertsona bat ito da igandean... [+]
Mendebaldeko herrialde aberats gehienetan ultraeskuina etengabe eztenka ari da migratzaileekiko gorrotoa eta arrazismoa akuilatzen. Deportazio planei ekitea izan da gobernu askoren erantzuna, izan afganiarrak talibandarren eskutan uzteko, Alemania pentsatzen ari den moduan, edo... [+]
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Nerea Melgosa sailburuak esan du "ezinbestekoa" dela Espainiako Gobernuak bere migrazio-politiken berri ematea, autonomia-erkidegoek ez baitute "inongo ezagutzarik".
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Caminando Fronteras gobernuz kanpoko erakundearen arabera, iaz 6.007 pertsona hil ziren Kanarietako Bidean itota. 2023an 39.910 migratzaile iritsi dira Kanariar Uharteetara. Espainiako Estatuko presidente Pedro Sánchez hurrengo egunetan Gambia, Senegal eta Mauritaniako... [+]