Bi euskarazko film ikusgai gaur Bilboko Film Sozialak zinema jaialdian
Bilboko Film Sozialak zinema ikusezinaren festibalaren baitan eskainiko dute Itsasoari begira dokumentala. Lorea Perez de Albenizen estreinako lanak gabezia neurologiko ezezagun bat duen 17 urteko Itxasoren familia eta lagunen bizipenak biltzen ditu.
Albenizek gaitz neurologikoen begirada pertsonal eta goxoagoa bilatu nahi izan du. Zuzendariaren helburua “haur ezberdinen” unibertsoa ezagutzera ematea izan da, eta batez ere gurasoei zuzenduta dago. Zuzendariaren esanetan, ikerketa eta azalpen zientifikoei buruz informatu baino, dokumentalak familien eta erakundeen lana txalotzea eta goraipatzea du helburu.
Itxasoren unibertsoa
Itxasok lau hilabete zituenean esan zioten bere amari, Maier Gurrutxagari, gabezia neurologiko bat zuela. Ondorioz, Elgoibar utzi eta Bilbora joan ziren bizitzera. Urte hauetan bide luzea egin dute familiak eta lagunek, baina Itxasoren mundua ezagutzeko balio izan die. Albenizek hori lortu nahi izan du: Itxasoren unibertsoan arreta jarri, eta ezagutzera ematea.
50 minutuko iraupena du dokumentalak eta hiru urtez aritu da zuzendari elgoibartarra lan hau hezurmamitzen. Egoeraren inguruko ikuspegi ugari lantzeko helburuz Itsasoari begira lau zatitan banatu du. Familiakoen sentimendu eta bizipenak jaso ditu, gaitz neurologikoez aritu da animazioaren bitartez, “haur ezberdinen” inguruan umeek dituzten uste eta ikuspegiak bildu ditu, eta Itxasoren adin bereko neska baten bizia irudikatu du gabeziak dituzten haurren arazoak nabarmentzeko.
Zinema ikusezinaren jaialdiaren azken txanpa
Zinema soziala ardatz duen festibalaren zazpigarren edizioa urriaren 15ean hasi zen, eta eguen honetan bukatuko da. Aurten, 78 ikus-entzunezko aurkeztu dituzte sail ofizialean, eta gehienak proiektatu badituzte ere, oraindik badago zer ikusi.
Barakaldoko Golem zinemetan 19:30ean euskarazko bi lan aurkeztuko dituzte: aipatutako Itsasoari Begira eta Argian ikusgai dagoen Jon Salaberri HIESaren aurkako borrokan aurpegi ezaguna izan zenaren inguruko dokumentala. Itxiera jaialdia eta sari banaketa berriz, eguenean izango da Bilboko Alondegian.
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.