Bi ama lesbianez osatutako familiei eskubideak kendu nahi dizkiete Italian
Sexu bereko gurasoen seme-alabak erregistratzeari uzteko eskatu du Italiako Gobernuak, eta Paduako Fiskaltzak ildo horretako neurria hartu du: 2017az geroztik bi amarekin jaio diren haurren erregistrotik erditu ez den amaren abizena kentzeko eskatu du. Erregistrotik ezabatuta, bai ama horrek bai bere haurrak eskubide ugari galduko lituzke. Neurria Italiako beste eskualde batzuetara zabaldu daiteke.
LGBTI+ kolektiboaren aurkako gurutzada hasia da, Georgia Meloni ultraeskuindarraren Gobernuak agintzen duen herrialdean. Paduako Fiskaltzak oharra bidali die bi amaz osatutako 33 familiari, eta ziurrenik gehiagori ere iritsiko zaie, 2017az geroztik bi amarekin erregistratu diren Paduako haur guztiei zuzendutako neurria jarri nahi baitu martxan: jaiotza akta guztiak moldatzeko eskatu du, seme-alabaz erditu ez den ama erregistroetatik desagerrarazteko, haren abizena kenduta.
Zein eragin du?
Erregistrotik kenduta, eskubide ugari galduko lituzke familiak: eskolatik haurra jasotzea bera, osasunari eta tratamendu medikuei lotutako erabakiak hartzea, edota erditu den ama hiltzen bada seme-alabekin geratu ahal izatea. Erditu ez den amari uzten zaion aukera bakarra da bere haurrak adoptatzea, baina prozesu luzea eta sarri oztopoz betea izan ohi da.
Italian udalei dagokie jaiotzak erregistratzea, eta neurria Italiako beste leku batzuetara zabal daitekeen beldur da bat baino gehiago. Fiskaltzak esan du legea bete baino ez duela egin eta Gobernuko ministro Luca Cirianik garbi utzi du Italian “ezkontza gizon eta emakume baten artekoa” baino ez dela, “eta beraz, soilik guraso biologikoaren abizena erregistratu daiteke seme-alaben abizen gisa”.
Fiskaltzaren proposamenak epaitegietako bidea egingo du orain.
Guda ideologikoa alboratzeko eta haurrengan pentsatzeko eskatu du Paduako alkateak. Oharra jaso duen ametako batek, berriz, funtsezko eskubide bati erasotzen zaiola adierazi du: “Egunerokoan eragina izateaz gain, identiateari berari eragiten dio”.
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Hainbat kolektibo daude Gasteiz Anitzaren atzean. Egoera larrien aurrean "soilik poliziaren esku hartze gehiago" eskatzen duen eta "eskubideen urraketei entzungor" egiten dion ereduaren aurrean, beste praktika eredu bat egiteko saiakera dela adierazi dute... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Trintxerpen hasi eta Donostian bukatu da hainbat kolektibok deitutako XXVIII. Arrazakeriaren Kontrako Martxa.