Beste urte batez, ehunka lagun batu dira Herri Unibertsitate nazionalean
Asteazkenean izan da aurtengo Herri Unibertsitate nazionalaren aurreneko eguna, Leioako campusean. Ostegunerako ere prestatu dituzte hitzaldi, mahai-inguru eta aisialdirako jarduerak.
Hilabete hasieran aurkeztu zuten aurtengo Herri Unibertsitate nazionalaren egitaraua: bi eguneko edizio bat antolatu dute, eta gaur izan da aurreneko eguna. Oraingoan, Leioako campusak (Bizkaia) hartu du Herri Unibertsitate nazionala.
Goizetik bertaratu dira 400 pertsona inguru, eta bi saio izan dira aurreneko orduan, 10:00etan. Mugimendu Sozialistaren hipotesiak mahai gainean izeneko mahai-ingurua izan da Zientzia eta Teknologien fakultateko Paraninfoan, eta gaur egungo testuingurua aztertzeko elementuak eskaintzeaz gain, horretan guztian esku hartzeko zenbait gako aurkeztu dituzte hizlariek. Gizarte eta Komunikazio Zientzien fakultateko Auditorioan, aldiz, Nantu Arroyok hartu du hitza: Azelerazionismoaz, Marxekin ala Marxen aurka? Makinei buruzko pasartea eztabaidagai XXI. mendean hitzaldia eskaini du.
12:00etan ere bi hitzaldi izan dira aldi berean: Auditorioan, Espainiako Estatuan onartu berri duten lan erreformaz eta Europar Funtsez aritu da Jose Castillo, eta pedagogia eta neoliberalismoa auzitan jartzeko kritika bat plazaratu du Ani Perezek, Paraninfoan.
Horren ostean bazkaltzeko tartea hartu dute bertaratutako ehunka lagunek, eta 16:00etan ekin diete arratsaldeko saioei. Hiru hitzaldi egin dituzte ordu horretan: Hezkuntza fakultateko Juliana aretoan Roberto Fineschik eta Jose Tapiak jardun dute krisiaz, fakultate berdineko 1S14 gelan Ekida Arte Ekimen Sozialistako kideak aritu dira artista kolektiboaren antolaketaz eta gerra kulturalaz, eta GKZko Auditorioan Café Marx saioko kideek hitz egin dute botere komunistaz.
Gaurko hitzaldiei amaiera emateko, 17:30ean Marcello Mustok eskaini du hitzaldi bat: I. Internazionala eta haren zereginak izan ditu aztergai. 19:00etan, bestalde, Katarsia musika taldearen kontzertuaz gozatzeko aukera izan da Mikel Laboa plazan.
Ostegunean, otsailaren 17an, 10:00etan hasiko dira hitzaldiak. Hemen dago ikusgai egitaraua, osorik.
Otsailaren 16an eta 17an izango dira aurtengo jardunaldiak, Leioako campusean. Egitaraua aurkeztu dute jada, hitzaldi, mahai-inguru, mobilizazio eta aisialdi jarduerekin. Roberto Fineschi filosofoa, Ani Perez pedagogoa nahiz Ekida arte ekimen sozialista izango dira aurten,... [+]
Aurten ere, "zailtasunak zailtasun", Herri Unibertsitate nazionala izango dela baieztatu du ikasle mugimenduak. Bi egunetarako egitaraua aurkeztu dute jada, hitzaldi, mahai-inguru zein kultur jarduerekin. Gonbidatuen artean izango dira, besteak beste, Ekida kultur... [+]
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitatea antolatuko dute otsailaren 17, 18 eta 19 bitartean Gasteizko unibertsitateko ikasleek, aktualitatearen hausnarketa kritikoa burutu eta eztabaidak irekitzeko helburuarekin.
Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.
EHUko Leioako Campusean egingo dute aurtengo Euskal Herriko Unibertsitate nazionala hilaren 27 eta 28an. Hilaren 19, 20 eta 21ean, halaber, Herri Unibertsitatearen ekimenak egingo dira Bilbon, Leioan, Gasteizen, Donostiako Ibaetan eta NUPen. Ondorengo lerroetan dago Herri... [+]
Donostiako Ibaetako Campusean egiten ari dira aurten Euskal Herriko Herri Nunibertsitate Nazionala. Asteazkenean izan ziren lehen hitzaldi eta blokeak eta ostegunean bigarren egunez jardungo dira "gaur egungo hezkuntza sistemarekin amaitu eta guretzat baliagarri izango den... [+]
"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate... [+]
Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea... [+]
Herri Unibertsitatearen edizio berri bati ekin diote Leioako campuseko ikasleek, herritik herriarentzat sortutako hezkuntza eredua bultzatzea helburu. Hiru egunez, tailer, hitzaldi eta eztabaida aberasgarri ugari antolatu dituzte.
EHUko errektore Nekane Balluerkak adierazi duenez, asteazken gauean San Mamesen Herri Unibertsitatea babesteko asmoz teilatuan eutsi genion 203 ikasleon aurka salaketa aurkeztuko du. Komunikabide gehienek, beste behin ere, arreta eskaini diote hondatutako bi vending makina eta... [+]