Beste urrats bat Arabako erresidentzietako borrokak sozializatu eta saretzera bidean
Topaketa jendetsua egin zuten astelehenean Laudioko Kultur etxean. Dozenaka herritar, sindikatuetako ordezkari, pentsiodun, erresidentzietako langile edota erabiltzaile bertaratu ziren.
Dozenaka lagun bertaratu ziren astelehenean Laudioko Kultur etxean eginiko topaketara. Bertan egon ziren La Encina egoitzako langileak, Orozkoko Madres Mercedariaseko grebalariak eta eskualdeko egoitza publikoetako langileak, besteak beste. Hainbat pentsiodun ere gerturatu ziren, eta baita zenbait herritar ere. Sindikatuetako ordezkariek eta Babestu Araba elkarteko kideek ere parte hartu zuten bi orduz luzatu ziren solasaldietan.
Arabako erresidentzia pribatuetako hitzarmena negoziatzen ari den plataforma intersindikalak antolatu zuen topaketa, eta Aiaraldeko Greba Batzordeko kideak arduratu ziren dinamizazio lanez. Sindikatuetako kideak izan ziren hitza hartzen lehenak. Hitzarmenaren negoziazioan egondako gorabeherak azaldu zituzten. “Hiru urte eman ditugu mota guztietako mobilizazioak egiten patronala eratu zedin, ez genuelako norekin negoziatu”. Lehen pauso hori lortua dute dagoeneko, baina patronal horren “erabateko blokeoarekin” egin dute topo orain. “Ez digute inolako proposamenik egiten”.
Nabarmendu zutenez, Araban ez dago hitzarmen sektorial propiorik. “Estatuko hitzarmena aplikatzen da. Gauzak hala, hemengo lan-baldintzak Bizkaia eta Gipuzkoakoak baino nabarmen txarragoak dira”.
Azalpen horiek eman ostean, eztabaida ireki formatua hartu zuen topaketak. Pentsiodunek edota herritarrek egiten zituzten galderak erantzuten eman zuten denbora gehiena. La Encina eta Madres Mercedarias egoitzetako langileek euren egoeren berri eman zuten, hurbildutako askoren harridurarako. “Banekien egoitzetako egoera ez zela ona, baina ez nekien horren txarra izango zenik”, aipatu zuen pentsiodunetako batek.
“Aberatsak ez doaz erresidentzietara”
Erresidentzien pribatizazioa izan zuten hizpide, besteak beste. “Egoitzen %30 da publikoa -eta %70 pribatua- lehen alderantziz zenean”. Eta gehiagora doa: “Gasteizen irekiko dituzten bi erresidentzia berriak kudeaketa pribatua izango dute, kooperatiben bidez”.
Izan ere, langileen baldintzek eragin zuzena dute erabiltzaileen ongizatean. “Zaintzarekin ez litzateke negoziorik egin behar, pertsonak zaintzea ez baita torlojuak ekoiztea bezala”.
Ordezkari sindikalek argi utzi zuten: “Aberatsak ez doaz erresidentzietara. Dirua duenak bere etxera eramaten ditu zaintzarako behar dituen baliabideak. Gainontzekook, prekarioak garenok, erresidentzia bat edo beste hautatu behar dugu, gure gaitasun ekonomikoen arabera”.
Aurrera begira
Bi ondorio argi atera zituzten asteleheneko jardunaldian: erresidentzietako langileen egoera sozializatu beharra dagoela eta urratsak eman behar direla borrokak saretzen jarraitzeko. “Elkarlana garatu behar da langileen, pentsiodunen edota erabiltzaileen artean”, ondorioztatu zuen Babestu Araba elkarteko kide batek. Horri begirako beste ekimen bat izan zen astelehenekoa, antolatzaileen aburuz.
Arabako eta Aiaraldeko erresidentzietako egoerak gertutik ezagutzeko aukera izan dugu gaur Laudion, sindikatuetako, La Encina egoitzako @BabestuA -ko edota @SOSmercedarias -eko kideen eskutik.
Beste urrats bat borrokak saretu eta elkarrekin urratsak ematera bidean! ??? pic.twitter.com/d7gLzDlrwQ
— Aiaraldeko Greba Batzordea (@AiaraldeaGreba) February 14, 2022
Aurreratu zutenez, pauso gehiago emateko asmoa dute datozen asteetan. Madres Mercedariaseko langileen borrokak aurrera darrai, eta zaintza sektoreari buruzko jardunaldi batzuk ere prestatzen ari dira, martxoaren 8ra begira.
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.