Beste ‘Prestige’ bat Galiziako kostaldean? Plastikozko milioika bolatxok marea zuria eragin dute
Duela hainbat astetatik etengabe ari dira azaltzen plastikozko bolatxoak Galiziako Rias Baixaseko hondartza eta arroketan. Kargamentua abenduaren 13an galdu zuen itsasontzi batek Portugalen eta geroztik kostaldeko naturguneei ere eragiten ari da. Ekologista taldeek salatu dute administrazioa geldirik dagoela hondamendiaren aurrean eta boluntarioak ari direla bolatxoak jasotzen.
"Marea zuria", hala deitu diote azken asteetan Galiziako Rias Baixasen izaten ari den hondamendi ekologikoari. Abenduaz geroztik milioika plastikozko bolatxo zurik, 5 milimetro eskasekoak, hango hondartza eta kostaldeak zikintzen ari dira etengabe. Muros eta Noia itsasdarreraino ere iritsi dira eta Corrubedoko hareatzako naturguneari eragin diote jadanik.
Nos Diario hedabide galiziarrak azaldu duenez, 25 kilogramoko zakutan bilduta zeuden pellet-ak dira bolatxo ia mikroskopikoak –erabilera ugari duen materiala– eta zakuetan "Bedeko Europa" Poloniako enpresaren izena ageri da.
Noia Limpa elkarteak jakin duenez, abenduaren 13an itsasontzi batek bere kargamentuaren sei edukiontzi galdu zituen Portugalen, Viana do Castelo inguruan, eta edukiontzi oso bat bolatxo horiek daramatzaten zakuz beteta zegoen. "Ez dakigu zenbat zaku zeramatzan, ezta beste edukiontziek zer zuten ere", diote. Oraingoz 52 poltsa jaso dira, baina poltsa gehiago azaltzen ari dira egunetik egunera.
Substantzia toxikoa elikadura kate osora
Zaku horiek kasu askotan hautsita agertu dira eta barruko boliña-k toki guztietan barreiatuta. Argi ultramorea estabilizatzeko material gisa identifikatu dute plastiko hori, oso arina, eta behin barreiatuta "ia ezinezkoa garbitzeko", diote.
Noia Limpak sare sozialetan zabaldutako bideo batean azaldu duenez, bolatxoak toxikoak izateaz gain "iman modukoak dira" eta beste substantzia toxikoak xurgatzen dituzte. Gainera, arrain, hegazti eta krustazeoek arrainen arrautzekin konfunditu eta irensten dituzte; azkenerako urdaila bolatxoz bete eta gosez hiltzen dira animaliak.
Bestetik, substantzia toxikoak arrainen ehun lodietan ere pilatzen dira eta ondoren gizakiok jaten ditugu: "Okerrena da ez direla desegiten, nanopartikuletan banatzen dira eta plaktona bezala irentsita, itsas elikadura kate osoan barreiatzen dira".
Elkarte horrek bolatxo zakuak agertzen diren tokiekin mapa egin du eta egunero ari da aktualizatzen. Ikus daitekeenez kutsadura jadanik O Pindora iritsi da, Fisterra lurmuturretik gertu.
Boluntarioak eta arrantzaleak garbiketan
"Gero eta gehiago dira Galiziako kostaldean beste Prestige bat gertatzen ari dela alarma jotzen ari direnak", dio Nos Diario-k. Hedabide horrek Espainiako Ingurumen ministerioari galdetu dio neurririk hartzen ari ote den kutsadura saihesteko, baina ez du oraingoz erantzunik izan.
"Okerrena da ez direla desegiten, nanopartikuletan banatzen dira eta plaktona bezala irentsita, itsas elikadura kate osoan barreiatzen dira".
Adega talde ekologistak, bere aldetik, salatu du lehen abisua abenduaren 15ean jo bazen ere ez Galiziako Xunta ezta Kostaldeko zuzendaritza ere, ez direla "ezer egiten ari isuri horren eragina kontrolatzeko". Hala, garbiketa boluntarioen, arrantzaleen kofradien eta babes zibileko elkarteen esku geratu da.
BNG-k "gure itsasoaren babesgabetasun erabatekoa" salatu du eta Espainiako Kongresura eramango du gaia. Hainbat udalerritako alkateek ere altxa dute ahotsa eta esan dute ez dutela gaitasunik eurek bakarrik egoerari aurre egiteko.
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Pertsonen eta txakurren testikuluetan mikroplastikoak topatu dituzte maila esanguratsuetan. Eta ikertzaileek ohartarazi dute litekeena dela horrek eragina izatea ugalkortasunaren jaitsieran. Toxicological Sciences aldizkarian argitaratu dute ikerketa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Astelehenean egindako inspekzioaren ostean hartu da erabakia, azken asteetan izan diren istripuen harira.
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.