Beste migratzaile bat hil da Bidasoako uretan itota
Igande goizean gertatu da ezbeharra. Bi pertsona Irun eta Hendaia arteko muga zeharkatzen saiatu dira, eta horietako batek bertan hil da itota. Irungo Harrera Sareak heriotza salatzeko manifestazioa antolatu du astelehenerako.
Igandeko goizeko 09:45ak aldera saiatu dira bi migratzaile Gipuzkoa eta Lapurdi arteko muga gurutzatzen Bidasoako urak zeharkatuz. Ez dago bi pertsonan horien inguruko bestelako informaziorik. Hirugarren herritar batek ikusi ditu bi migratzaileak ibaia zeharkatzeko ahaleginean, eta nola batek zailtasun larriak zituen. Uretan sartu da lagundu nahian, baina ez du helburua lortzerik izan. Ondoren Ertzaintzako poliziak, Gurutze Gorriko langileak eta suhiltzaileak bertaratu dira, gorpua uretatik atera dute, baina migratzailea hila zegoen ordurako. Bere bidelagunak lortu du Lapurdira heltzea.
Muga, heriotzen gune
Aurtengo maiatzean Boli Kostako 28 urteko pertsona bat izan zen Bidasoako uretan ito zena Gipuzkoatik Lapurdira heldu nahian. Aste batzuk lehenago, bere buruaz beste egin zuen hirugarren miratzaile batek Irunen, migratzaileen aldeko eta arrazakeriaren aurkako mugimendu herritarrek muga zeharkatzeko ezinarekin lotu zutena.
Mobilizazioa
Irungo Harrera sareak mobilizazioa deitu du astelehen arratsaldean. Igandeko heriotza ez dela “ustekabekoa” salatu du, eta “erantzuleak” dituela. Eusko Jaurlaritzari, Gipuzkoako Foru Aldundiari eta Irungo Udalari eskatu die ahalegin handiagoa egin dezatela migratzaileen eskubideen alde. Hiltzeko arriskurik gabe bidaiatzeko bide seguruak exijitu ditu sareak.
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Datozen egunetan onartu nahi du Europar Batasunak Migrazio eta Asiloaren Ituna. Bachué elkartea, Ongi Etorri Errefuxiatuak eta Amnistia Internacional itunaren aurka agertu dira eta elkarretaratzea ere egin dute protesta gisa, Gobernu Ordezkariordetzaren aurrean.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
Irailaren 21eko ebazpenak dio europarra ez denak epe jakin bat duela lurraldea bere borondatez uzteko, eta Frantziak ez du hori betetzen.
Mendi martxa, bizikleta igoera, hitzaldi, bazkari, txaranga, kontzertu eta DJ, egitarau oparoa osatu dute Baigorriko Basaizea elkarteak, Baztango Gazte Asanbladak eta Erratzuko gazte batzuk. Izpegiko bideetan istripuak saihesteko xedez autobus zerbitzuak izanen dira, Baigorritik... [+]
94.000 migratzaile inguru heldu dira Italiara 2023. urte hasieratik. Medicos Sin Fronterasen arabera, 13.300 pertsona itzuli edo atxikitu dituzte mugan: egunero 80 pertsona inguru. Immigrazio politiketan irregulartasunak eta “kontrol arrazistak” salatu dituzte... [+]
Larunbatean elkarretaratzea egin dute Baionan Darmanin inmigrazio-lege proiektua, mugak ixtea eta hiru atxiloketak salatzeko. Bertan eman zuen bere lekukotza atxilotuetako batek, Kazetak jaso duenez. Bederatzi hilabetez Poliziak bereziki zelatatu dituzte, telefonoa pintxatu... [+]
Satlantis Microsats enpresa bizkaitarrak aldarrikatzen du gaurko “Gerra Hotz Berrian” Mendebaldeari laguntzen diola: berak darama lidergoa Europako Defentsa Programaren esparruan 4,8 milioi euroko dirulaguntza jaso duten bi proiektutan. Eusko Jaurlaritzak eta... [+]
Atentatu batzuen harira 2015ean mugak ixteko agindua eman zuenetik, Frantziako Gobernuak behin eta berriz luzatu du agindu hori, eta eragile ugarik salatu du mugetako kontrol etengabea, batez ere migratzaileak jomuga dituena. Orain, botere judizialaren organo garrantzitsu den... [+]
Herritar txuri batek Irun eta Hendaia arteko muga zeharkatu du oinez birritan: lehenbizikoan ez du eragozpenik izan; bigarrenean, aurpegia beltzez margotu ostean, Poliziak gerarazi du. Askatasunak “berreskuratzeko” euskal errepublikaren ezinbestekotasuna aldarrikatu... [+]
Etorkinen parean blindatzen dabil Europa. Kanpoko mugez gain, barneko anitz ditu poliziaz josiak ala zuzenean hetsiak. Tartean, Irun eta Hendaia artekoa. Aitzina egin beharra hil ala bizikoa izanik, haien bizia arriskuan jarriz dabiltza milaka immigrante muga zeharkatzen... [+]
Elkarretaratzea egin dute igande eguerdian, “Europa errudun” lelopean. Mugarik gabeko bide irekiak eta seguruak eskatu ditu Ongi Etorri Errefuxiatuak Araba taldeak.