Beste makroeoliko proiektu bat, Lesaka eta Goizueta artean
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Erran hedabideak eman du berria. Bertan irakur daitekeenez, Merkatuen eta Lehiaren Batzorde Nazionalak (CNMC) urte hasieran argitaratutako txostenetik izan dute proiektuaren berri: hor agertzen da Cefiro Holdco enpresak "Domiko" proiektu eolikoa sarera konektatzeko baimena lortua duela 2023ko maiatzetik.
Erran webgunearen kide den Ttipi-Ttapa aldizkariak informazio eske jo du Nafarroako Gobernuko Industria departamentura eta hango ordezkariek jakinarazi diotenez, "Domiko proiektuak bereziki Lesakari eraginen lioke". Beste informazio hau ere jaso dute Industriako ordezkariengandik: "Bederatzi aerosorgailu izanen lirateke eta ebakuazio lerroa Oiartzunen izanen luke".
Urumeako mendietan "Erreka" makroproiektu eolikoa jarri nahi duen berbera
Makrozentral eolikoen aurkako mugimenduko kide den Mikel Alvarezek ohartarazi duenez, "Kontuan hartzekoa da Cefiro Holdco enpresa horixe dela Urumeako mendietan Repsolen 'Erreka' izeneko makroproiektu eolikoa martxan jarri nahi duena". "Erreka" proiektua bezala, "Domiko" proiektu eolikoa ere 50 MW baino handiagoa denez eta bi autonomia erkidegori eragiten dienez (EAE eta Nafarroa), Espainiako Gobernuan hartuko dira honen tramitazioari buruzko erabakiak.
Larunbata honetan Aranon egun osoko kultur egitaraua
Goizuetan lehendik bada beste makroproiektu bat, esan dugunez. Goizueta, Arano eta Hernaniko lurretan jarri nahi dituzten makroeolikoen aurrean desadostasuna agertzeko, egun osoko egitaraua prestatu dute Aranon martxoaren 15erako. "Vidas irrenovables" (bizitza ez berriztagarriak) dokumentala emango dute, txangoa egingo dute haize errotak jarri nahi dituzten lekura, Joseba Tapia, Jon Mari, Izer eta Alabier soinu-joleek emanaldia egingo dute eta Aitor Mendiluze eta Julio Soto bertsolariak balkoitik balkoira arituko dira bertsotan. Informazio gehiago, albiste honetan.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]