Beste langile bat hilik aldamiotik erorita: “Lan-segurtasun araudia ez da betetzen”
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Beste langile bat hil da eraikuntzaren arloan, aldamiotik erorita. Astelehenen arratsaldean izan zen istripua Irunberrin, baina sindikatuek astearte honetan eman dute horren berri. Dirudienez, 42 urteko iruindarra etxe partikular batean ari zen lanean eta hiru metroko garaieratik erori ondoren hil zen. Larrialdi zerbitzuak Irunberrira gerturatu ziren baina ezin izan zuten langileari bizitza salbatzeko ezer egin.
LABek salatu du "beste drama bat" dela heriotza hori: "Beste langile bat hil da saihestu zitekeen lan-istripu batean" esan du. Sindikatuak azaldu duenez aldamioen arloko lan-segurtasun araudia bete izan balitz ez litzateke heriotza hori gertatuko. Hala, istripu ikertzeko eta gertaturiko argitzeko eskatu du.
ELAk ere zera salatu du: "Enpresaburuek ez dute prebentzio-araudia betetzen, eta erakunde publikoek uko egiten diote ez-betetze horiek kontrolatzeko ikuskapen-bitartekoak handitzeari".
Azken 10 urteetan Euskal Herrian gutxienez 79 lagun hil dira eraikuntzaren sektorean altueratik erori ondoren eta laneko heriotzen %12,5 suposatzen dute
Azken 10 urteetan Euskal Herrian gutxienez 79 lagun hil dira eraikuntzaren sektorean altueratik erori ondoren eta laneko heriotzen %12,5 suposatzen du horrek, LABen arabera. Aurten sei langile hil dira modu horretan. Sindikatu abertzalearen esanetan "gaitz sozial eta laboral" hori saihesteko beharrezkoa da neurriak hartzea: "Funtsezkoa da erakundeen kontrola, lan-osasunari buruzko araudia bete dadin eskatzeko", azaldu du.
Astelehenekoarekin 42 dira Euskal Herrian aurten lanean ari zirela hildako langileak.
Traktoreak harrapatuta Zornotzan
Bestalde, Eusko Jaurlaritzako Segurtasun Sailak jakinarazi duenez, 61 urteko baserritarra hil da Zornotzan igande arratsaldean, kasu honetan gidatzen zuen traktorearekin istripua izan ondoren.
Iturri horren arabera, istripua San Antonio auzoko nekazaritza eremu batean gertatu da. Naiz.eus-ek emandako datuen arabera, azken lau hilabeteetan gutxienez lau lagun hil dira Euskal Herrian gisa berean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.