Beste hotel bat Donostian, turistifikazio etengabean
Albiste da Donostian Mirakontxan etxe bat eraitsi eta beste hotel bat egingo dutela. Aitzakia ematen digu horrek Haritik Hirira Donostiako informazioarekin lan egiten duen Twitterreko kontuaren informazioa ekartzeko hona. Hotel eta turismo-etxeen ugaritasunak Donostiari nola eragiten dioten ondo dokumentatzen dute, eta hari bat egin zuten duela aste batzuk datu jakingarriekin.
Ikuskatze geografiko oso interesgarriak egiten dituzte Haritik Hirirakoek, eta Donostiako turistifazkioarekin kezkaturik, bereziki horren inguruko informazioa zabaltzen.
Adibidez, ilustrazio irudia otsailekoa da, AirBNB zerbitzuko turismo etxeen eskaintza jarri zuten mapa batean.
Beste animazio honetan, hotel hazkundea Donostian.
Donostiako hotelen bilakaera ?? #HiriaMapan pic.twitter.com/WF46OrIRyU
— Haritik Hirira (@HaritikHirira) November 16, 2021
Mapa hauek azaltzeko, eta turistifikazioa salatzeko, hari bat argitaratu zuten duela aste batzuk, eta hona ekarriko dugu, artikulu bilakatuta.
Hiri-azterketetan espezialista eta Geografian doktorea den J. Joverrek, honela definitzen du turistifikazioa: hiri-espazio baten gizarte-eraldaketako prozesua da, turismoaren jarduera ekonomikoaren ondorioz, gune historikoetan gertatzen dena mendebaldeko Europaren testuinguruan.
Gentrifikazioaren antzekoa da, baina badu beste bereizgarri bat ere: jatorrizko populazioaren ordez, bisitariak heltzen dira. Gentrifikazioak diru-sarrera handiagoko bizilagunen etorrera dakarren arren; turistifikazioaren ezaugarria, “biztanleria flotatzailearen” etorrera da.
Turisten presentzia handiagoak, ostatu eskaria areagotzen du. Hau aprobetxatu nahian, jabe askok, etxebizitzak turismo-sektorera egokitzen dituzte, hauek biztanleria flotatzailearen merkatuan txertatuz eta, gradualki, biztanleriaren desplazamendua eta auzoen hustuketa eraginez.
Donostiako kasuan, kontuan hartu beharreko datua da, Airbnb-ren inguruko harian azaldu genuen moduan, erdialdeko auzo hauetan kokatzen direlako plataforma honetako eskaintza gehienak, etxebizitza erabilera zuten bizileku asko turistiko izatera igaroaz.
Etxebizitza eskaintzaren jaitsierak prezioen igoera dakar. Dagoeneko gazteek ez dute erdialdeko auzoetan etxebizitza bat erosteko edo alokatzeko aukerarik, “arrazoizko” prezio bakarrak periferiako auzoetan edota inguruko udalerrietan aurki baititzakete.
Honek, era berean, erdialdeko auzoen zaharkitze prozesua areagotzen du. Hortaz, bertan aurkituko ditugu hiriko auzo zaharkituenak, biztanleriaren batez besteko adina honakoa izanik:
- Gros: 49,33
- Erdialdea: 48,95
- Alde Zaharra: 46,11
Kasualitatez ala kausalitatez, (2000-2020) epealdian -nazioarteko turismoaren eztanda aroan- Donostiak, oro har, biztanleria irabazi duen bitartean, hauek dira biztanleria gehien galdu eta irabazi duten auzoak.
Era honetan, turismo-jarduerak zerbitzu-eskaria sortzen du, eta eskari hori bete egin behar da. Pixkanaka, bisitarien beharrak (ostatua, elikadura, zerbitzuak eta abar) asetzen dituzten establezimenduak sortzen dira.
Tokiko saltokiak eta saltoki tradizionalak desagertzen hasten dira, eta tabernak eta frankiziak erabiltzen dira haien ordez, biztanleria flotatzaile baten interesekin zerikusia dutenak, eta ez oinarrizko premia batzuk bete behar dituen betiko auzotarren interesekin.
Honek, auzoaren egituran hainbat ondorio dakartza. Batetik, biztanleriaren desplazamenduak auzoan errotuago dauden denden gainbehera faboratzen du, ohiko bezeroen galerarekin lotuta. Bestetik, saltoki tradizionalen inguruan egunero eraikitzen diren harremanen sistema desegiten da
Higiezinen espekulazioak eta turismoaren presentzia gero eta handiagoak identitaterik gabeko hiri eremuetara garamatza, auzoa zutik mantendu zuten auzotarren premiak alde batera utzi eta lehentasuna bisitariei emanez.
Donostiako erdialdeak bizi duen huste prozesua ezin daiteke turistifikaziotik soilik azaldu, baina hustutzea areagotzen duen eragile garrantzitsuenetakoa da zalantzarik gabe, egoera gaiztotu ez dadin neurriak hartzea ezinbestekoa izanik. #HaritikHirira
Haritik Hirira nor dira? kontu anonimoa da. "Geografoak" direla diote, eta eposta helbide bat eskaintzen, inork haiekin kontaktatu nahi badu, haritikhirira (a bildua) gmail.com
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.
Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.