Palestinako Osasun Ministerioaren arabera, beste 30 palestinar zauritu dituzte sarekadan. Al-Aqsako Martirien Brigadako kidea zen Ibrahim al-Nabulsi kausitzen da hildakoen artean.
Gutxienez 30 bat zauritu eta hiru hildako eragin ditu Israelen azken erasoak Zisjordanian. Al-Aqsako Martirien Brigadako kide Ibrahim al-Nabulsi dago hildakoen artean. Aitzinetik jadanik hura atxilotzen ahalegindua zen Israel, hainbat militar hiltzea egotzita. Joan den uztailean ahalegindu ziren beste behin Al-Nabulsi hiltzen, ustez hura gordetzen zen etxea bonbardatuz. Gaztea ez zegoen bertan eta beste bi palestinar hil ziren sarekada hartan, Al-Aqsako Martirien Brigadako kideak biak.
Honetaz gain, Islam Sabbouh eta Hussein Jamal Taha dira hildakoen artean. Palestinarren kexua areagotu du azken eraso honek. Bideoan, Al-Nabusiren aita eta hurbilekoak:
#watched| The father of the martyr Ibrahim Al-Nabulsi: "This is the fate of every honest and free person who carries a free and honorable gun." pic.twitter.com/rK4dZq86kg
— Palestine News 24/7 (@PaliNewsBot) August 9, 2022
Atzo, astelehenarekin elkartu zen NBEren Segurtasun Kontseilua, gatazka hau solasgai harturik, Israelek eta Jihad Islamikoak adostutako su etenaren biharamunean. Kezkaturik agertu dira kargudunak, su etena "hauskorra" dela aitortuz.
NBEko Palestinaren enbaxadore Riyad Mansourek ondokoa adierazi die NBEren Segurtasun Kontseiluko kideei: "Prest ote zarete esateko 'nahikoa da'? Zenbat urtez oraindik inposatuko die bere blokeoa [Israelek] bi milioi herritarrei –erdiak umeak–, inork ezer esan gabe?!".
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
60 dendako eremua kolpatu dute sionistek, muturreraino beteta dagoen al-Mawasi errefuxiatu kanpalekuan. Bosgarren aldia da Israelek eraso egiten diona berak “zonalde seguru” izendatutakoari.
Plataformak urriaren 5erako antolatu du manifestazio bat, Bilbon, ondoko leloarekin: 'Palestinar erresistentzia babestu. Israel eta bere konplizeei aurre egin'.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Ura, argindarra, janaria eta sendagaiak eskuraezin bihurtu dira Jenin hirian. Gutxienez 26 palestinar hil dituzte Zisjordanian, asteazkenetik.
Hamasek adierazi du Israelek okupazioa aukeratu duela, bahituen gainetik. Hildakoen senideek uko egin diote Netanyahuren dolumin deiari, eta su-etena eskatu dute oraindik Gazan dauden 100 bahituak askatzeko.
Sindikatuen gehiengoak gobernuari presio egiteko protestara deitu du. Igandean 500.000 israeldar inguru mobilizatu dira Netanyahuren aurka eta su-eten akordioa eskatu dute, sei bahituren gorpuak Gazatik atera ostean.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]
Agorrilaren 27an, Gazan barna elikadura banatzera zihoazen langileei eraso egin diete, beren autoa tirokatuz. Urriaren 7az geroztik NBEko 200 langile baino gehiago hil ditu Israelek Gazan.
Bigarren Intifadaz geroztik ikusi gabeko eraso "antiterroristari" ekin dio Israelek Zisjordanian. Jenin, Tulkarm eta Tubas hiriak izan ditu jomuga drone, helikoptero eta batailoi militarren bidez, eta gutxienez bederatzi lagun hil ditu jadanik. Hainbat iturriren... [+]
Ultraeskuineko ministro Ben Gvir-ek zera proposatu du: sinagoga bat eraikitzea Jerusalemgo Meskiten Zelaiguneetan.
Larunbatetik iganderako gauean, Israelgo armadak gutxienez ehun hegazkin erabili zituen Libano hegoaldea bonbardatzeko. Israelen arabera "prebentziozko erasoa" izan zen, antza, Hezbollah Israel erasotzera zihoala zioen "informazioa" zutelako.