Beste goi-tentsioko linea bat egin nahi du Forestalia enpresak Araban, Berantevilla eta Erriberabeitia artean
Hirugarrena izango da, Lautadan eta Arabako Errioxatik igarota Añanan planteatu baititu beste bi. Hainbat herritako udalak aurka agertu dira.
Forestalia enpresa pribatuak goi-tentsioko hirugarren linea bat egin nahi du Araban, El Correok aurreratu duenez. Zaragozako parke eolikoetatik datorren energia Miranda de Ebrora garraiatuko luke, Erriberabeitia, Armiñon eta Berantevillatik. Hamar dorre jartzeko asmoa helarazi diote Lurralde Politikako Ministerioari, 46 metrokoak: hiru Berantevillan, lau Armiñonen eta beste hiru Erriberabeitian.
Ministerioari aurkeztutako proiektu horren arabera, goi-tentsioko linea nekazaritza lurren gainetik pasako da Berantevillan, Zadorra ibaia zeharkatuko du, Armiñongo abeltzaintza intereseko lurzoru urbanizaezinetatik ere igaroko da eta Erriberabeitian hiri-lurzoruko 425 metro hartuko ditu.
Zaragozatik Miranda de Ebrora, guztira, 185,1 kilometro izango ditu lineak lur gainetik eta 1,24 lur azpitik, eta 309,6 megawatt garraiatuko ditu.
Beste bi linea Araban
Forestalia enpresak beste bi proiektu ditu Araban. Batak Arabako Errioxako eta Añanako kuadrillen zati bat zeharkatuko luke, goi-tentsioko 30 bat dorrerekin, 45 eta 70 metro arteko altuerakoak. Horietako hogei Bastidan egongo lirateke, balio paisajistiko eta enologiko handiko mahastietatik gertu. Inguruko herrietako udalak eta Arabako Foru Aldundia aurka agertu ziren.
Arabako Lautada gurutzatuko luke proiektatutako bigarren lineak, 72 metroko altuerako 88 dorrerekin. Asparrena, Donemiliaga, Agurain, Iruraiz-Gauna, Barrundia eta Burgeluko udalerriei eragingo lieke, eta Arrazua Ubarrundia azpiestazioan amaituko litzateke.
Pasa den astean, Aguraineko Udalak baztertu egin zuen Forestalia Renovables enpresak Arabako Lautada zeharkatuz egin nahi duen goi-tentsioko linea, osoko bilkuran. Batetik, azpiegitura horrek eskualdean inpaktu larriak eragingo zituela argudiatu zuten eta, bestetik, proiektuak energiaren garraioa pribatizatzeari bidea irekitzen ziola, EH Bilduren arabera.
Barrundiako Udalak ere goi-tentsioko linearen aurkako ebazpena onartu zuen astelehenean aho batez. Azaldu dutenez, "energia berdearen izenean, onartezina da enpresa pribatu batek 200 km-an hiru autonomia erkidego zeharkatuz eta alternatibak aztertu gabe zentral eoliko batzuetan sortutako energia garraiatzea".
Nafarroa eta Gipuzkoa artean, Barasoain eta Gabiria lotuko dituzten 80 metroko 431 elektrizitate dorre eraiki nahi dituzte REE Espainiako Elektrizitate Sareak eta Forestaliak. Autopista Elektrikorik Ez plataformak batzarra egin du Etxarri Aranatzen; bertan, proiektuaren aurkako... [+]
Forestalia enpresak Nafarroan beste poligono eoliko bat eraikiko duela jakinarazi du Sustrai Erakuntza Fundazioak. Nafarroari eragiten dioten goi-tentsioko bi linea ere baditu enpresa honek.
Txosten tekniko batek udalerrian izango dituen eragin larriez ohartarazi ostean, Iruraiz-Gaunako Udala proiektuaren aurka agertu da eta alegazioak aurkeztea erabaki dute udal taldeek.
Capbretoneko arroila inguruko lurra ezegonkorra dela adierazi du Red Eléctrica de España (REE) eta Réseau de Transport d'Electricité (RTE) enpresen ikerketa geologikoak. Kablea botatzeko ibilbide berrien aukera aztertu bitartean proiektua... [+]
1000 baietz ekimena martxan jarri du plataformak eta irailean batzarra eginen dute. Autopista Elektrikorik Ez plataformak jakinarazi du goi tentsioko argindar sarearen kontrako mila hautetsiren babesa jasotzeko kanpaina hasi duela. Dagoeneko plataformak sustatutako... [+]
Autopista elektrikorik ez! plataformak larunbatean Iruñean emandako prentsaurrekoan jakinarazi du atzera bota dutela Itsaso eta Deikaztelu batzen dituen tentsio handiko linearen eraikuntza.
Gueñesetik Itsasora (Gipuzkoa) goi tentsioko linea elektriko bat sortzeko proiektua zabaldu zen 2011n. Alegazioen ostean, sei urtez stand-by egoeran egon da, eta orain, Espainiako gobernuak berriro aktibatu gura du, 2018an eraikitzen hasteko. Bada, egitasmoaren aurkako... [+]
Espainiako Ministroen Kontseiluak urrian onartu zuen 2015-2020 Energia Plangintza. Deikaztelu (Nafarroa) eta Ezkio-Itsaso (Gipuzkoa) artean Red Eléctrica de Españak eraiki nahi duen 400 kV-eko linea ageri da bertan. Proiektua gauzatzeko urrats bat gehiago.
Itsaso eta Deikaztelu arteko Autopista Elektrikoaren aurkako Plataformak Goi-tentsio linearik ez – ate birakariei ez lelopean Nafarroako Gobernuaren aurrean kontzentrazioa deitu du larunbat eguerdirako.
Ezkio-Itsaso eta Deikaztelu lotuko dituen goi tentsioko linearen inguruko galdeketa egin dute asteburuan Gipuzkoa eta Nafarroako 39 herritan. Orotara 5.156 lagun zeuden bozkatzera deituta, eta %63ak hartu du parte. Horietatik %99,32 proiektuaren aurka azaldu da.
REE (Red Eléctrica de España) enpresak Itsaso (Gipuzkoa) eta Deikaztelu (Nafarroa) artean eraiki nahi duen goi tentsioko linea ez egiteko eskatu dute hainbat kirolarik. Tartean dira, besteak beste, Itxako eskubaloi taldeko Andrea Barno, Nerea Pena eta Naiara... [+]
REE (Red Eléctrica de España) enpresak Itsaso (Gipuzkoa) eta Deikaztelu (Nafarroa) artean eraiki nahi duen goi tentsioko linearen aurkako mozioa onartu dute Gipuzkoa eta Nafarroako ehun udalek. Linea berriak 120 kilometro luze izango lituzke, eta 400.000 voltioko... [+]
Uztailaren 26tik 31ra egingo da Hernanin (Gipuzkoa) AHTaren aurkako kanpaldia. "Elkarbizitzarako espazio kolektibo bat" eratuko dute, egun horietan "adin eta jatorri desberdinetako jendeak esperientzia interesgarriak bizi ditzan", AHTren Aurkako... [+]