Kataluniako hezkuntza sistema osoan eskola-orduen %25 gaztelaniaz izan behar duela ebatzi du Kataluniako Justizia Auzitegi Nagusiak. Epaileek Kataluniako eskolan gaztelaniaren "presentzia minimoa" azpimarratu dute.
Kataluniako Justizia Auzitegi Nagusiak ebatzi du gutxienez eskola-orduen % 25 gaztelaniaz eman beharko dela Kataluniako hezkuntza sistema osoan. Horrela, 2015ean Hezkuntza Ministerioaren, orduan PPren esku zegoen, ordezkari gisa aurkeztutako Estatuko Abokatutzaren helegite bat aintzat hartu du auzitegiak. 2014tik orain arte, Auzitegi Nagusiak ezarri zuen ikasgaien %25 gaztelaniaz eman behar zitzaizkiela hala eskatzen duten familiei. Generalitateak uko egin dio sistematikoki, murgiltze-eredu linguistikoari eutsiz.
Kataluniako Hezkuntza Sailak kritikatu egin du ebazpena komunikabideetara lehenago zabaldu izana Hezkuntza Politiken idazkari Carlos Martinezek salatu du haiek oraindik ez dutela jakinarazpenik jaso. Helegitea jarriko dutela iragarri dute.
Kataluniako herri mugimendu eta alderdi independentisten kritikak bata bestearen segidan etorri dira. Òmnium Culturalek adierazi du katalana "gure komunikazio-hizkuntza" dela eta herrian babes zabal duela. Murgiltze eredua kohesio sozialaren berme nagusia dela azpimarratu dute askok, baita Espainiako Estatuak Kataluniako hezkuntza eredu "etengabe murriztu eta eraso egiteko" duen dema arbuiatu ere.
Justizia Auzitegi Nagusiko epaileek Kataluniako eskolan gaztelaniaren "presentzia minimoa" eskatzen dute, irakastorduen lardena, eta, hizkuntza ofizialaren irakaskuntzaz gain, gutxienez oinarrizko beste curriculum-irakasgai ez-linguistiko bat ere jaso behar dutela adieraziz. Lehen aldia da Auzitegi Nagusiak ehuneko hori Kataluniako eskola guztientzat ezartzen duena. Epaileek gogorarazi dutenez, hezkuntza sisteman ez dago katalanaren "lehentasunik" gaztelaniaren aldean.
Espainian onartzear dagoen hezkuntza-lege berriak, LOMLOEk, aldaketak dakartza hizkuntza koofizialen arloan, eta gaztelania komunikazio-hizkuntza nagusi gisa izateari utziko dio. Aldaketa horren bultzatzaileek, alderdi abertzaleek, murgiltzea blindatzeko balio zuela defendatu zuten. Hala interpretatu zuten eskuineko alderdiek ere, hala nola PPk eta Ciudadanosek, Gobernuari kritika zorrotza egiteko.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Duela egun batzuk, Donostiako epaitegiko epaile batek Udaltzaingorako bi lanpostutarako euskararen B2 hizkuntza eskakizuna eskatzea baztertu zuen. Epaile berak, aldi honetan, Donostiako Udalaren erabakia babestu du, eta adierazi du Digitalizazio Kartografikoko bi udal... [+]
Euskalgintzaren Kontseiluak eta beste eragile ugarik datorren larunbatean Bilbon deituriko manifestazioarekin bat egin du Gasteizko Legebiltzarrak EH Bildu eta EAJren sostenguarekin.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.