Beste eraikin bat okupatzen saiatu diren Tolosako gazteak desalojatu ditu Ertzaintzak
200 pertsona inguru bildu dira larunbatean Tolosako Ezpala gaztetxearen aldeko manifestazioan. Aurreko kaleratzearen aurkako protestaren erdian Tolosako Udalaren jabetzako eraikin bat okupatzen saiatu dira. Ertzaintzak egunean bertan kaleratu ditu.
Urtarrilaren 13an desalojatu zuen Ertzaintzak Tolosako Gazte Asanbladak abenduan okupatutako lantegia. Kaleratzearen aurka, eta Ezpala gaztetxearen alde manifestazioa egin dute larunbatean. Manifestazioa ibilbidearen erdira iritsitakoan herriko beste eraikin bat okupatu dute gazteek. Gazteon ametsak ezin dira desalojatu irakur zitekeen pankarta eta bandera okupa zintzilikatu dituzte eraikineko balkoietatik.
30 gazte inguru, eraikinaren atarian eseri dira giza harresia osatuz. 19:00ak aldera, sarreran eserita zeudenak banan-banan ateratzeari ekin dio Ertzaintzak, Tolosaldeko Atarian irakur daitekeenez. Gogor oldartu zaie harresian zeudenei, arrastaka atera dituzte. Inguruan hauei babesa ematera joandakoak kolpeka urrundu dituzte. Harresiko gazte guztiak identifikatu dituzte; ez dute inor atxilotu.
Gazteek okupatutako eraikina Luminia enpresako nagusien bizilekua zen. Ondoren, eskumen publikokoa izatera pasa zen. Denbora tarte batez Gipuzkoako Foru Aldundiak bulegoak izan zituen bertan eta gaur egun jabetza Tolosako Udalarena da.
Ondorengo bideoetan ikus daiteke okupazioa eta desalojoa
-Tolosaldeko Ataria
-Topatu
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.