Beskoitzeko ikastolaren alde ehunka euskaltzale bildu da
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.
Azaroaren 18an, antolatzaileek emandako datuen arabera, 2.500 lagun elkartu ziren Beskoitzen Ikastola herri eskola lelopean. Bertako haurrak, irakasleak, gurasoak eta Euskal Herriko hainbat txokotatik iritsitako euskaltzaleek herriko etxeari eskatu diote ikastolaren eraikin berria jasotzeko oztoporik ez jartzeko eta aurrerabideak emateko.
Bezperan, azaroaren 17an, Beskoitzeko udal kontseiluak ohar luze bat argitaratu zuen gaiaren inguruko bere ikuspegia azaltzen. Idatziak 2011. urtera egiten du atzera eta Seaskak ikastola sortzeko baimena eskatu zuenetik gaur arteko gorabeherak jasotzen dira. Eraikitzeko baimenik ez ematea berresten da idatzian.
Udal kontseiluak salatu du urte horietan haiek beldurtzen saiatu direla, eta erasoak eta mehatxuak izan dituztela. Seaskaren eta herriko etxearen arteko harremanetan, hasieran hartu-emanak adeitsuak izan baziren, gaur egun elkarrizketa zaila dela diote artikuluan. Elkarrizketarako prest daudela adierazi dute, “negoziazio mahaira” itzultzeko prestutasuna agertu dute, baldin eta egoera bareagoan egiten bada. Hirigintza arauak errespetatu eta aurrez hartutako konpromisoak kontuan hartuta, ikastolarentzat eraikin bat jasotzearen alde daudela diote. Seaskako arduradunek, behin eta berriz salatu dute, herriko etxeak nahita eragozpen teknikoak argudiatzen dituela ikastolari eraikin berria egiten ez uzteko. Eskatzen dituzten baldintza teknikoak arbitrarioak direla salatu dute.
Hamar urte ikastola prefabrikatuan
Beskoitzeko ikastola 2014an jarri zen abian eraikin prefabrikatuan, herriko etxeari alokatutako lurretan. Lau ikasle hasi ziren. Beti izan dituzte gorabeherak herriko etxearekin. Duela hiru urte hasi ziren hizketan eraikitzeko baimena eskuratu ahal izateko. Irail honetan jaso dute erantzuna, Ayensa alkateak ezezkoa eman du. Herriko lurretan egoteko baimena du ikastolak, baina oraingoz eraikitzeko baimenik ez. 51 haur ari dira ikasten prefabrikatuetan.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Astelehen gauean su hartu du Donamartiriko (Nafarroa Beherea) ikastolako eraikin batek. Ez da zauriturik izan, baina kalte material handia eragin du suteak.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.