Beskoitzeko ikastola eraikitzeko baliatuko da Herri Urratsen jasotako dirua
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Ortzadarra lelopean egin den Herri Urratsek inoiz baino toki handiagoa hartu du Senpereko laku inguruan. Bi gune gehiago eta eszenatoki berria izan ditu. Festak eta aldarrikapenak bat egin dute. Musika alorrean Esne Beltza, Leihotikan, Niko Etxart, Bele, Neomak (aurtengo kantaren egilea) eta Nogen aritu dira, besteak beste. Disko-jartzaileak ere aritu dira. Ez dira falta izan bertsolariak: Amets Arzallus, Irantzu Idoate, Haira Aizpurua eta Unai Agirre. Umeek gune oso bat eduki dute haientzat, eta pilota partidak izan dira goizez. Guztira 50 ikusgarriz gozatzeko aukera egon da.
650.000 euroko emendatzea EEPrentzat
41. edizioa hasi aurretxo erakundeetako ordezkariek adierazpenak egin dituzte. Kazeta.eus hedabideak jaso ditu haien esanak. Ikastolen Elkarteko lehendakari Nekane Artolak hiru gauza galdegin ditu: baliabideak, hizkuntza politika ausartagoak eta euskararen ofizialtasuna. Euskararen Erakunde Publikoko lehendakari Maider Behoteguyk, berriz, hizkuntza-politika egoera “korapilatsuan” dela azaldu du. Behoteguyk erakundeei eskatu die, “ahal duten guzia egin dezaten beren diru ekarpena handitzeko”. Euskal Hirigune Elkargoko lehendakari Jean-Rene Etchegarayk berretsi du 650.000 euro gehituko duela EEPren aurrekontua. Akitania Berria eskualdeko ordezkariak, Andde Sainte-Mariek, adierazi du 100.000 euroko luzamendua izango dela.
Beskoitzeko ikastola berria aldarri
Peio Jorajuria Seaskako lehendakariak gogorarazi du Beskoitzen ikastola berria eraikitzeko baliatuko dutela Herri Urratsen jasotakoa, eta Euskal Herri osoak eraikiko duela Beskoitzeko ikastola, Herri Urratsen erakutsitako elkartasunaren bidez. Gaur egun, ikastola eraikin prefabrikatuetan dago, herriko etxeari alokatutako lurretan. Duela hainbat urte hasi ziren herriko etxeari baimena eskatzen eraikina egiteko, baina gorabehera handiak izan dituzte tokiko administrazio publikoarekin. Hala adierazi du Jorajuriak: “Badakigu azken urte kalapitatsu horien ondotik bazterrak hasten direla lasaitzen, hauteskundeak izanen dira, eta heldu den urtean molde normalizatuan herriko etxe berriarekin negoziatzea eta konponbide bat atzematea nahiko genuke, denak elkarrekin”. Fabienne Aiensa auzapezak dimisioa eman zuen martxoan. Seaskaren gogoa da prefabrikatuak albo batera utzi eta eraikina jasotzeko baimena lortzea. Alkatearen dimisioaren ondoren, ekainaren 16an egingo dituzte hauteskundeak herriko kontseilu berria aukeratzeko.
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
40 taldeen artetik garaile atera da Muga Zero punk-rock taldea.
Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.
"Ekaitz erauntsiak Herri Urratsen 40. urteurrena ospatzeko geneukan ametsa zapuztu du. Besta bere handitasun osoan ezin ospatze horrek milaka euroko galera ekonomikoa ekarri dio Seaskari; hori dela-eta, deialdi zabal bat egiten diogu euskal jendarte osoari".
Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]
Aurten 40 urte beteko ditu Herri Urratsek eta, “sorpresaz beteta” etorriko da, antolatzaileek ARGIAri azaldu diotenez. “Urratsak zubi” lelopean, maiatzaren 14an egingo da festa Senperen eta aldarrikapenek leku inportantea izango dute, azterketak euskaraz... [+]
Ba oso inbento ona da Herri Urrats. Ipar Euskal Herriko ikastolek aurrera egiteko eta hori dena, noski, baina baita Hego Euskal Herritik egun-pasa joaten garen askorentzat, katarsi politiko-mentala egiteko ere. Gure kainismoaren aurkako antidoto perfektua. Bat-bateko... [+]
Igande honetan, maiatzak 8, Ipar Euskal Herriko ikastolen festa ospatuko dute Senpereko lakuaren inguruan, bi urteko etenaldiaren ondoren. Joatekoak bazarete Araba gunean antolatu duten TxikiLinux Txokora gerturatzea gomendatzen dizuegu. Goizeko 9:00etatik aurrera bertan izango... [+]
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Bi urtez ohiko jaialdia egin gabe egon ostean Senpereko aintzirara itzuliko da Ipar Euskal Herriko ikastolen festa. Asteazkenean iragarri dute aldarrikapena eta festa batuko dituen egitaraua.