Bertsozale Elkartea ekonomia sozial eraldatzailearen betaurrekoetatik begiratu du Aritz Zerain Miner elkarteko koordinatzaile ohiak
Bertsozale Elkartea sorreratik kokatzen da ESE ekonomia sozial eraldatzailearen balioetan eta oinarrietan, eta horietatik egin ditu pauso estrategiko guztiak. Aritz Zerain Miner Bertsozale Elkarteko koordinatzaile ohiak ikuspegi honetatik aztertu du elkartea eta bertsozale.eus webgunean irakurri daiteke bere irakurketa.
Ekonomia sozial eraldatzailearen definizio batekin hasi da Zerain: "Ekonomia Sozial Eraldatzailea sistema ekonomiko alternatibo bat eraikitzeko ekintza kolektiboa da, non solidaritatea, kolektibotasuna eta bizitza zentroan jartzea diren balio nagusiak. Ekonomia bizitzaren eta pertsonaren beharretarako tresna bat da; baliabide bat eta ez helburua. Baina mugimendu edo ikuspegi hau ez da proposamen edo praktika ekonomiko bat bakarrik, baizik eta proposamen edo praktika politiko eta kultural bat ere bada". (KoopFabrikaren definizioari segi)
Definizio hau kontutan izanik, koordinatzaile ohiaren ustetan Bertsozale Elkartea ESEren ezaugarriekin lotzen dela nabarmena da. Horra zerrendatzen dituen arrazoiak:
- Bertsozale Elkartearen ondarearen zaintzarako, bertsolarien eta bertsozaleen ardura-hartze eta auto-antolaketa kolektiboa dago.
- Sustrai sendoetatik, bertsolaritzaren eraldaketarako eta beste zenbait eraldaketa prozesuetarako SAREAK eraikitzen ditu.
- Elkarteak administrazioarekiko autonomiatik, kooperazioa eta elkarlana eskaintzen ditu.
- Bertsolaritzaren eraldaketarako ideia, tresna zein kontzeptu berri eta dibertsifikatuak sortzen ditu.
Bideragarritasun soziala duen eta kideen garapen pertsonala eta motibazio ezberdinak asetzeko aukera eskaintzen duen proiektua da Bertsozale Elkartea. "Solidaritatez eta elkarlan publikoarekin" osatutako bideragarritasun ekonomikoa lortzeko helburua dauka elkarteak. Zerainek geroari buruzko erronka plazarazten du aurkezpenean: "Bertsozale Elkartea ez da kasu isolatua. Gizartea etengabe eraldatuz doa, eta herrigintza/elkartegintza egiteko modua ere bai. "Dena proiektuaren alde" lemapean eraiki ditugu herri honetan proiektu indartsuak, eta orain "pertsona-proiektu orekan oinarritutako herrigintza/elkartegintza" berreraikitzea dagokigu". "Betaurreko berritu eta koloredunekin" aurrera egiteko beharra ikusten du.
Iragan asteko ostegun eta ostiralean burutu zen ‘Nondik eta zeri ari gatzaizkio bertsotan?’ ikastaroa; 50 lagun elkartu dira jardunaldietan bertsoaren inguruko gaiez gogoeta egiten.
Hiru hilabete iraungo ditu txapelketak eta finala abenduaren 14an jokatuko da Donostiako Illunben. Saio guztietarako sarrerak www.bertsosarrerak.eus webgunean daude eskuragarri.
Berregituraketa urtea dugu aurten Bertsozale Elkartean: martxoan lehendakaritza taldea berritzearekin bat, koordinatzaile lanpostua sortzeko erabakia hartu zuten bazkideek Batzar Nagusian. Lanpostu horretara heldu berri da Oier Iurramendi Etxeberria (Donostia, 1990), baina ez da... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Oihal fabriketako emakume langileak eta bertsoa josi ditu Emakumeen haria ekimenak. Ekainaren 7an izango da Villabonan. Bertaratzen denak ezagutuko du egun Bertsozale Elkartearen egoitza den Subijana etxea iraganean oihal fabrika izan zela; entzun ahalko ditu bertan lan egin... [+]
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.
Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]