Bertsolaritzari buruzko Gradu Amaierako Lanentzako saria
Bertsolaritza ez ezik, antzerkigintza, kantagintza, kontalaritza edota beste ahozko kultur sorkuntza baten inguruan egindako Gradu Amaierako Lanak (GRAL) hartuko dira aintzat. Urriaren 16ra arte aurkeztu ahalko dira.
500 euroko saria eskainiko dugu Mintzola Ahozko Lantegitik eta UPV/EHUko Mikel Laboa Katedrarekin elkarlanean. Euskarazko ahozko kultur sorkuntzari buruzko ikerketa bultzatu nahi du deialdiak; aurkezten diren lanek, beraz, gai hori izan beharko dute oinarrian eta, esan gabe doa, aukeren artean dela bertsolaritza.
Lanek 2018-2019 edota 2019-2020 ikasturtean defendatutakoak, aurkeztutakoak, behar dute izan, eta urriaren 16ra arte dago aurkezteko aukera. Ikerlan saridunak 500 euro eskuratuko ditu. Azaroaren 26an banatuko da saria, Amasa-Villabonan ikerketak ezagutzera emateko egin ohi den saioan.
Informazio gehiago, hemen.
81 urterekin zendu da. Bere aita Fernando Aire 'Xalbador' bezalaxe, bertsolaria eta artzaina izan zen Mixel Aire.
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Astearte goizean aurkeztu dute Gipuzkoako Bertsolari Txapelketako finala, Illunben (Donostia) bertan. Larunbatean, abenduaren 14an, izango da saioa, 17:00etatik aurrera.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
