“Bertso plaza aldatu egin da azken urteetan eta arriskua ikusten nuen finala plazako iruditik urrun geratzeko”
Irundik estomagoan zuen lantza kendu zuen Baionan markinarrak, saio borobila osatuz eta lehen postua erdietsiz.
Badirudi Euskal Herriko finala gertu duzula. Baionan aipatutako “ametsa” betetzeko bidean?
Ez nintzen ausartzen honekin amesten, amets handia delako eta txapelketako bidea luzea baita. Hori bai, eskatu nahi nion nire buruari fase guztiak igarotzea, lehenengo txapelketan egin nuen adina egiteko bigarrenean. Baina finalaren aukera hor dago. Honekin, ametsa oso
ederra eta betea da.
Irunen jendea kexatu zen zure puntuazio apalarekin. Baionako lehen agurrean ere horren ondorioz lehia egin beharraren zama aipatu duzu.
Irungoa liseritzea zaila zen. Uste nuen hobeto neramala. Irungoa pasatuta, kosta egin zitzaidan hurrengo saiora begira jartzea. Agur hori pentsatu nuen saiotik bi egunera-edo. Amorrutik edo zauritik sortutakoa da. Gerora, egunak igaro ahala, ez nintzen agur horretan bezala sentitzen. Lasaiago eta onartuagoa nuen egoera. Hala ere, agurra mantentzea erabaki nuen, indarra emateko eta ez amore emateko. Erdi nire burua konbentzitzeko trikimailua izan zen agurrarena.
Badirudi emakume batek baino gehiagok kantatuko duela Iruñean. Gauzak aldatzen direnaren seinale?
Bertso plaza aldatu da azken urteetan. Momentu batean arriskua ikusten nuen finala geratzeko plazako iruditik urrun, ez izatea hor ibiltzen diren ahotsekiko errepresentazio leiala. 2017tik hona aldaketa bat sumatu dut zentzu honetan bertsozalegoarengan, emakume bertsolariak entzuteko dagoen moduan edo gerturatu den jende motarengatik. 2017ko leloa izan zen: “Ea bigarren emakume bat finalera sartzen den”. Ematen zuen handik zetorrela aldaketa. Aldaketa beste bide batetik etorri da, ordea. Aurten “bigarren emakumea” ere ez da aski. Ez da erreala: bi baino askoz gehiago daude maila bikainean finalean jardun daitezkeenak.
Baionan txalo zaparrada indartsuak aditzen ziren zure izenarekin. Uste duzu publikoak eta honen erreakzioek eragina dutela bertsolariarengan?
Bai. Konexioa da gure helburua: jendearekin konektatzea, sentitzea parean jasotzen dutela eta zuri itzultzen. Kanal hori itxita sumatzen duzunean sortzen dira urduritzeko eta gaizki kantatzeko egoerak. Eta alderantziz: kanal hori zabalik eta emankor denean dena doa hobeto. Konfiantza datorkizu eta honek laguntzen du hobeto kantatzen.
Txapelketan sortu dituzun ganbarakoek markatu dute gehien. Zu nola sentitu zara utzi duzun bakarkakoekin?
Pozik nago jendeari iritsi bazaizkio. Gustatzen zait bakarrik jardutea. Hiru ganbarakoak barrutik oso ezberdinki bizi izan ditut. Bertsoak berak harritzen nau ni ere aldiro. Batzutan ez dakizu egoera batetik nola atera, edo zein gai etorriko zaizun burura. Ez nekien nik ere oso ondo udazken honetan nondik joko nuen, nahiz eta beti pentsatu gustuko dituzun gauzetan.
Baionakoaren biharamunean, zein aho zaporerekin geratzen zara?
Ona eta espero gabekoa. Ez nuen finalerako hainbeste aukerarekin amaitzerik espero. Uste nuen estuago izango zela edo kanpoan egongo nintzela, beraz pozik.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]