‘Bertatik Bertara’ kanpaina abiatu du UEMAk, turismo garaian euskara areagotu asmoz zerbitzu sektorean
Udalerri euskaldunen nortasuna egokien islatzen duena euskara dela nabarmendu du mankomunitateak eta bisitariek zein bisitariekin harremana duten zerbitzu sektoreko arduradun eta langileen konpromisoa eskatu du. Kanpaina ekainaren 8tik irailaren erdialdera arte egingo da.
Udalerri Euskaldunen Mankomunitateak (UEMA) hasiera eman dio Bertatik Bertara kanpainari, ekainaren 8tik irailaren erdialdera arte egingo duena zerbitzu sektorean “euskara areagotzeko” asmoz. UEMAren esanetan, udalerri euskaldunen nortasuna egokien islatzen du euskarak eta hori ikusarazi behar da. Horretarako, bisitarien zein bisitariekin harremana duten zerbitzu sektoreko arduradun eta langileen kolaborazioa eskatu du. Ekimenean udalek eta garapen agentziek parte hartuko dute eta UEMAko kide diren herrietako merkatariei eta ostalariei helarazi diete kanpainaren berri.
UEMAk urteak daramatza turista gehien jasotzen dituzten herrietan euskara mantentzeko eta sustatzeko ekintzak egiten, euskara alboratzeko joerak eragozteko asmoz. Aurtengoa bosgarren urtea izango da eta baliabide ugari prestatu dituzte bisitarientzat eta zerbitzu sektoreko arduradun eta langileentzat. Aurten, lehen aldiz, turismo bulegoetan eta bisitariak hartzen dituzten ostatuetan eta antzekoetan diptikoak eskuragai ipiniko dituzte euskaraz, ingelesez, katalanez, galizieraz, gazteleraz eta frantsesez.
300.000 mahai-gaineko inguru banatuko dituzte 111 herrietako ostalaritza establezimenduetan. Mahai-gainekoaren osagarri, UEMAk aurtengo kanpainan egin duen spot-a ipini dute QR bitartez. Bideoan euskal lurraldea “beste modu batean ezagutzeko aukera” aipatu dute, euskararen erabilera eta garrantzia sustatuta, Euskal Herriko toki ezagun eta paisaiekin batera.
Euskararen erabilerarako proposamenak
UEMAk zerbitzuetako arduradun eta langileei bisitariekin elkarrizketak izateko zenbait ideia proposatu dizkie, hala nola, lehen hitza, agurrak eta eskerrak euskaraz egitea. Horrela, bezeroen jakin-mina piztea eta horiek euskal nortasunaz jabetzea bilatzen du mankomunitateak. Mahai-gainekoetan euskaraz erraz erabil daitezkeen hainbat hitz ipini dituzte eta ingelesez, katalanez, galizieraz, gazteleraz eta frantsesez hitz horien itzulpena. Banatutako euskarrietan euskaraz aritzeko oinarri-oinarrizko hiztegira bideratzen dituzten QR kodeak erraztu dituzte, gazteleraz, katalanez, frantsesez eta galizieraz, eta Spotifyko QR bat ipini dute, Zure Bidaiaren Soinu Banda izenekoa.
"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.
Astebetean bigarren kolpea eman du EAEko Justizia Auzitegi Nagusiak. Lehenengoan bezala, bigarren honetan ere, udaletan euskara lehenesteko aukera zabaltzen duen udal legearen aurkako epaia izan da. PPren helegitea partzialki onartu du Auzitegi Nagusiak. Epaia ez da irmoa eta... [+]
Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]
Epaia “larritasun handikoa” dela salatu du Euskalgintzaren Kontseiluak. Bingen Zupiriak adierazi du epaiak Jaurlaritzak helegitea aurkeztea "eskatzen" duela. UEMAren ustez, “marra gorri guztiak” gainditu ditu epaiak.
Iraitz Lazkanoren lekukoa hartu du datozen lau urteetarako. Hautatu berriak adierazi du UEMA asko aldatu dela azken urteetan, eta tokiko errealitate berriei erantzun ahal izateko diagnostiko zehatzak egiten lan egingo duela UEMAk.
"Ezinegon handia" sortu du UEMAko udaletan Espainiako Konstituzionalaren osteguneko erabakiak, euskalduntzean "atzera egiteko arrisku bizia" baitago. Horrez gain, "oldarraldi honek erantzun juridiko sendoa" behar duela nabarmendu, eta lege-esparru... [+]
Udalerri euskaldunen mankomunitateko herrien osasun zerbitzua aztertu du UEMAk, eta ondorioztatu du hamar osasun langiletik hiruk jarduten dutela euskara maila egiaztatu gabe. Ikerketak erakutsi du ez dela aurrerapen esanguratsurik egon azken urteetan.
UEMAk (Udalerri Euskaldunen Mankomunitatea) berariaz aztertu ditu VII. Inkesta Soziolinguistikoak bere herriekiko eman dituen emaitzak, eta argi-itzalak agerikoak dira berriz ere: herri euskaldunenek euskal hiztunak galdu dituzte.
Lau udal berri sartu dira mankomunitatean: 101 dira orain. Iraitz Lazkano UEMAko lehendakariak udalen garrantzia azpimarratu du ekitaldian, eta "urgentziazkotzat" jo du erabileraren eta ezagutzaren arteko aldea iraultzea.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.