2016ko martxoaren 2an Berta Cáceres ekintzaile ekologista eta giza eskubideen defendatzailea erail zuten, goizaldean bere etxera sartu eta tiro eginda. Agua Zarca proiektu hidroelektrikoaren aurka ari zen borrokan: jatorrizko herrien lekualdatzea eta uraren pribatizazioa zekartzala salatzen zuen. Hainbat aldiz izan zen mehatxatua eta bera baino lehen borroka bereko beste lau aktibista erail zituzten. 2019an zazpi pertsona kondenatu zituzten Cáceresen hilketagatik baina pertsona bakarrari egozten zaio "autore intelektual" izatea, nahiz eta nazioarteko adituek egindako txostenak presa egiten ari zen DESA konpainiako goi kargu gehiago ere seinalatzen dituen.
Agua Zarca proiektuaren arduradun zen enpresa da Desarrollos Energéticos Sociedad Anónima (DESA) eta bertako kudeatzailea zen David Castillo Mejíari egotzi dio orain arte Hondurasko justiziak Berta Cáceresen erailketaren "autore intelektual" izatea. Baina Adituen Nazioarteko Talde Aholkulariak egindako txostenak konpainia horretako beste goi kargu batzuk ere seinalatzen ditu. Cáceresen hilketagatik kondenatutako pertsonen artean, horietako bi DESA konpainiari lotutakoak dira eta beste lau ejerzitoari.
Ekintzaile ekologista erail zuten bosgarren urteurrenean, hainbat talde ekologistak gutuna igorri dute Espainiako Atzerri ministroari, kasu honetan justizia egin dadin eta Mejíaren epaiketa gardena izan dadin Hondurasi eskatuz. Gutuna sinatu dute, besteak beste, Mundubat, Ekologistak Martxan, CEAR Euskadi, Greenpeace...
Gutunean azpimarratzen dute Honduras dela lurraren eta ingurumenaren defendatzaileentzat munduko lurralderik arriskutsuena: Global Witness erakundearen azken txostenaren arabera, Hondurasek ditu eraildako defendatzaile gehien, biztanleko. Gutunean talde ekologistek seinalatu dutenez, "Berta Cáceresen erailketaren arduradun diren pertsona guztiak ez identifikatu eta salatzeak arriskuan jartzen ditu ingurumenaren beste defendatzaile batzuk, eta krimen honen arduradun direnak zigorgabe uzten ditu".
PP, Vox, Junts eta EAJren botoekin Espainiako Kongresuak onartu du otsoa espezie babestuen zerrendatik ateratzea eta, horren ondorioz, berriz ehizatu ahal izango dute Duero ibaitik iparrera.
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Sareak nabarmendu du Euskal Herri osoko eragileak daudela bertan eta deialdiak 140tik gora atxikimendu jaso dituela: "Horrek islatzen du zein den gaur egungo errealitatearen urgentzia, lurraren defentsaren beharra eta auziarekiko dagoen konpromezua".
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Urtaro bakoitzean kaleratuko den aldizkari honek Lurrari buruzko jakintza praktikoa eta gaurkotasuneko gaiak jorratuko ditu. Formato oso berezia du: plegatutako orri handi bat da eta zabaldu ahala poster handi bat agertuko zaigu barnean. ARGIAk sostengatzen du Bizi Baratzea... [+]
Mila milioika mintzo dira agintariak. CO2 isurketak konpentsatzeko neurri eraginkor gisa aurkeztuta, zuhaitz landaketei buruzko zifra alimaleak entzuten dira azken urteetan. Trantsiziorako bide interesgarria izan zitekeen, orain arteko oihanak zainduta eta bioaniztasuna... [+]
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
