“Berriztagarriak bai, honela ez” jardunaldiak egingo dira Iruñean urriaren 4an eta 6an
"Berriztagarriak bai, honela ez" jardunaldiak egingo dira Iruñean urriaren 4an eta 6an, 18:30etik 21:00ak arte, Kondestable Civivox-ean. Trantsizio energetikoa eta biodibertsitatea landuko dituzte bi egunetan, baliabide energetiko eta mineralen murrizketaren testuinguruan kokatuta.
Urriaren 4an, astelehenez, honako hizlariak egongo dira. Sergi Saladiè: Tarragonako Rovira i Virgili Unibertsitateko Geografia Departamentuko irakaslea. Trantsizio energetiko demokratiko eta justu baterako oinarriak. Gonzalo Fernández: Latinoamerikako Multinazionalen Behatokiko ikertzailea eta Euskal Herriak Kapitalari Planto plataformako militantea. Europako berreskuratze-funtsak: kapitalismo berdearen tresna. Julen Rekondo: Ingurumen-dibulgatzailea eta Ingurumeneko Espainiako Saridun Nazionala. Larrialdi klimatikoa: ez dago denborarik galtzeko.
Urriaren 6an, aldiz, honakoak. Álvaro Campos: Ingeniaritza Termikoko doktorea. ALIENTEko kidea. Trantsizio energetiko zentralizatua: ezinezko apustua. Adrián Almazán: Fisikako lizentziaduna eta Filosofiako doktorea Madrilgo Unibertsitate Autonomoan, Ekologistak Martxaneko kidea, Krisi energetikoa eta irtenbide faltsuak. Esperanza Ursua: Biologiako Doktorea. Biodibertsitatea defendatzea, bizitza defendatzea.
Jardunaldiak eguzki eta haize poligonoek kaltetutako Nafarroako herri eta bailaretako plataformen Koordinakundeak antolatu ditu, eta honetan, Anue, Oltza Zendea, Itza Zendea, Zizur Zendea, Eguesibar, Erroibar, Esteribar, Etxauri, Ezkabarte, Txulapain, Leotz, Lizoain-Arriasgoiti, Mendigorria, Muru Artedereta-Tebas, Odieta, Olaibar, Urbasa-Andia, Izarbeibar… bizilagunek parte-hartzen dute.
Elkarretaratzeak Nafarroa Arenan
Koordinadoratik azaldu dutenez, urriaren 6an eta 7an Arena Nafarroan “Trantsizio ekologikorako industriaren II. Nazioarteko Biltzarra egingo da, eta horren aurrean beste ikuspegi bat eman nahi dute. Aipatu bi egunetan, irekiera eta itxiera ekitaldietan Arena Nafarroaren aitzinean egingo diren elkarretaratzeetara joateko deia ere egin dute. Urriaren 6an, goizeko 8:30etik 10:00etara eta urriaren 7an 17:30etatik 20:00etara.
Koordinakundeak argi du herritar guztiak inplikatu behar direla trantsizio energetikoan: “Kontua ez da soilik petrolioa ordeztea berriztagarriekin”. Eta zein nolako jardunbideak diren beharrezkoak ere zehaztu dituzte: Energia-beharrak zehaztu; energia-eskaria murriztu; ahalik eta energia gehien ekoiztu kontsumitzen den lekuan; hiriguneak eta industrialdeak energia-ekoizpenean inplikatu; energia bezalako gizarte-ondasun baterako sarbide unibertsala bermatu; nagusi diren mugikortasun-, nekazaritza-, abeltzaintza- eta industria-ekoizpeneko ereduak eraldatu; eta ekoizpen energetikoa lur emankorraren, biodibertsitatearen eta kultura-ondarearen kontserbazioarekin bateragarri egin. Esaldi borobilarekin laburbildu dute esan nahi dutena: “Gurdiak ezin du idien aurretik joan, eta oligopolio energetikoak ezin du trantsizio energetikoa gidatu”.
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
Sustrai Erakuntza fundazioak desazkundeari buruzko jardunaldiak egin zituen Iruñean urriaren amaieran. Han eman zuen hitzaldia Luis González Reyesek (Madril, 1974). Adrián Almazánekin batera 2023an argitaratutako liburua izan zuen oinarri:... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Code Rouge mugimenduko ekintzaileek hainbatetan salatu dutenez, irabazi geroz eta handiagoak lortzearren Total Energies enpresak ingurumena kutsatu eta lekuko komunitateak kaltetzen ditu. Horregatik blokeatu dute Belgikako Feluy hirian duen fabrika, eta protestak egin dituzte... [+]
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]
Joan den irailaren 3an, Nafarroako Aldizkari Ofizialean argitaratu zen Nafarroako Gobernuak Nafarroako Energia Planaren eguneraketa publiko jarri duela. Urrats garrantzitsua izan beharko luke horrek gure komunitatearen etorkizunerako, energiak zein beronen erabilerak gure... [+]
Nafarroako Energia Eraldatzen poligono berriztagarri handien aurkako koordinadorak trantsizio energetikoa birpentsatzeko hirugarren jardunaldien deialdia da. Topaketa horietan, energiaren arazoa eta gizarte egituraren desazkundearen beharrari buruz hausnartuko dute.
Dagoeneko ez dakit bero olatuek burmuina kolpatuta gauden, betiko hipokrisia den edo logika sistemiko hutsa den, baina dakigunaren, esaten dugunaren eta egiten dugunaren arteko arrakalak, kezkaz haratago, harridura ere sortzen dit, batez ere uda giroan. Albisteak, ikerketak,... [+]
Espainiako Sare Elektrikoak jakinarazi berri du ekaineko elektrizitate kontsumoa zein izan zen Espainiako Estatuan: 19.422 gigawat orduko. Hau da, 2004ko datuaren oso antzekoa: orduan 19.384 gigawat izan ziren.
Zigoitian 100 hektareako parke fotovoltaikoa eraiki nahi du Solariak, eta eskualdea gurutzatuko luke oso goi tentsioko linea batek ere. Urkabustaiz, Zigoitia eta Zuiako bizilagunek herritarren 5.540 helegite aurkeztu dituzte ingurua “mehatxatzen duten proiektuak gelditzeko... [+]
Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]
Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]