Berriro ireki dute Greziako telebista publikoa
Asteartean sartu dira berriro langileak Greziako irrati-telebista publikoaren (EPT) eraikinean. 2013ko ekainaren 11n itxi zuen komunikabide publikoa Samarasen gobernuak. Aurtengo apirilaren 29an, aldiz, Greziako Parlamentuak kaleratutako 2.595 pertsonetatik 1.500 langile berriro onartzeko legea onartu du. Bueltatuko diren langileak kontratu finkoa zutenak izango dira.
23 hilabetetan zehar kaleratuta egon badira ere, “EPT ez dela inoiz itxi” dio Vagelis Papadimitriou langileak. Eldiario.es-ek jaso duenez, EPTk modu autogestionatuan emititzen jarraitu du denbora guzti horretan. Kaleratutako langileek funtzionamenduan mantendu dituzte 19 irrati kate eta telebista emititzen jarraitu dute interneten. Lege berriak lau telebista katek emisio normaletara bueltatzea bermatuko du.
Troikarekin adostutako neurrien ondorioz itxi zuen Samarasek Greziako irrati-telebista publikoa. Herritarrek ordaintzen duten kanon bati esker finantzatzen zen hedabidea eta itxi ostean, kanon hori ez zen deuseztatu. Syrizaren gobernuak jakinarazi duenez, kanon horretatik eskuratzen denarekin ordainduko da hedabide publikoaren urteroko 300 milioi euroko kostua.
NERIT izeneko beste korporazio batek ordezkatu du orain arte EPT. Salatu dutenez, NERIT “aurreko gobernuaren propagandarako plataforma izan zen”. Orain, irrati-telebista publikoak NERIT irentsi dezakeela uste dute. Greziako estatu ministro Nikos Pappasek adierazi duenaren arabera, “hedabide ireki, independente eta iraganeko arazorik gabea sortzea da helburua”.
Makusi.tv-ko bideoa:
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.