Berrirakurtzen
2017ko urtarrilaren 3an, Jone San Martinek honako hau esan zuen Berria egunkarian: “Gure mugek azaleratzen dute gure sormena ere”. Edu Zelaietak, aldiz, zera irakurri zuen: “Gure sormenak azaleratzen ditu gure mugak ere”.
Egitura eta hitz berberak dituzten bi esaldi hauek esanahi ezberdina dute. Irakurketa bihurri baten ondorioz, gogoak hitzekin jolasteko asmoa duela ematen du. Gaizki begiratutako horiei etekina atera nahi die idazle gasteiztarrak, eta hori da, hain zuzen, Basque Misreadings erakusketaren bidez egin nahi duena: gaizki irakurritakoei zentzu bat ematea.
Hizkiekin, testuekin eta literaturarekin, beste mundu batera eraman nahi gaituenarekin elkarlanean, Eneko Ugarte artista plastikoa dugu. Arabarrak eman dio forma erakusketari. Zelaietak aukeratutako eta aldatutako testuak zentzu artistikoan berrinterpretatu ditu. Horretarako, hainbat disziplina baliatu du: zuri beltza, kromatikoa eta hiru dimentsioko piezak. Azkenengo hauek jendeak ukitzeko, sartzeko eta jolasteko artelanak dira.
Artelan horiei esker, Oihaneder Euskararen Etxeko erakusgela zuria koloreztatu da. Askotariko formak eta materialak dituzten sorkuntzak jasotzen dituzte hormek. Espazio osoan sakabanatzen dira artelanak, eta bakoitzak testu bat darama beheko aldean.
Hormetatik haratago, lurrean sakabanatuta daude Berria egunkariak. Bidexka bat irudikatzen dute eta paperez egindako antzerki batera eramaten gaituzte. Gelaren erdian, hiru dimentsioko kutxa zuri batzuk daude. Marrazki urdinak dituzte, baina desordenatuta daudenez ezin da jakin zein den artelan horren benetako irudia, gerturatzen direnen eskuek erabakiko dute zein den artelan horren benetako itxura.
Modu anitzetan ulertu daitezkeen testu horien lehenengo bi interpretazioek ematen diote norabidea esposizioari. Hala ere, beste bi artistak ere parte hartzen dute diziplinarteko saio honetan: Ane Gebarak eta Beñat Goitiak. Bi sortzaile gazteek haien irakurketa egiten dute testuen inguruan. Ipuin kontalariak, Zelaietaren irakurketaren guztiz kontrakoa egin du, bere ahozkotasunerako bertutea erakutsiz. Beñatek, aldiz, gitarra doinuen bidez helarazi digu bere interpretazio propioa.
Beraz, Gasteizko sortzaile hauen helburua irakurritakoak begiratzean gogoak nora eramaten gaituen erakustea da. Inolako zuzenketarik egin gabe irakurritakoari eduki bat egoztea. Hausnarketarako bide ezberdin bat proposatu nahi digute, jarrera kritikoz osatua eta umore kutsuarekin.
Dospordos-en argazkiak:
.jpg)
Azaroaren 4an itzuli die Frantziak benindarrei Katakle errege-aulkia, duela 132 urteko triskantzan frantses kolonoek lapurtu zietena. Memoriaren, aitortzaren eta ondare kulturalaren izenean, Europan zehar dituzten lapurtutako 500.000 objektuak berreskuratu nahi dituzte Afrikako... [+]
Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri... [+]
Uda osoan ikusgai egon dira Yun Ping artistaren argazkiak Donostiako Cibrian galerian. Identitate-prozesuak dituzte langai, generoaren eta arrazializazioaren bidegurutzean. Irailaren 12an, erakusketaren aktibazio eta itxiera gisa, Yun Pingek performance publiko bat egin zuen,... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Donostian jaioa, urte mordoxka bat Alkizan eman zituen bizitzen, baserri batean. Inguratzen zuen naturak lilura sortzen zion. Margolari gisa egin da ezagun, nagusiki.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]
Interneten oinarria duen argazkigintza lehiaketa batean, 1839 Color Photography Awards delakoan, tranpa gertatu da. Kategoria berezia sortu zuten 2024ko ediziorako, Adimen Artifizialeko irudiak aurkeztekoa, eta irabazleak tranpa egin zuen, argazki erreala aurkeztuta irabazi zuen... [+]