Berriobeitiko Udalak ezetza eman dio Espainiako Armadak Ezkaban egin nahi duen hesiari
Aitzoainen (Nafarroa) duen tiro eremuan zabaltze lanak egiten ari da Espainiako Armadak. Bertan du kuartela eta egitasmo horrek ika-mika piztu du inguruko udalekin. Armadak Ezkaba mendian jarri nahi duen hesi handiari ezetza eman berri dio Berriobeitiko Udalak.
Amerika 66 Erregimentuaren kuartela duela hilabete batzuk hasi zen tiro eremua zabaltze lanetan eta dagoeneko lau solairuko eraikina egin du bertan maniobrak egiteko. Horrez gain, 52 hektareako lur eremua hesitu nahi du, oraingo tiro eremua zabaltzeko. Hesi honek hartuko luke Ezkaba mendiko hego-mendebal magalaren zati oso handia, egungo tiro eremutik Ezkaba tontorreraino.
Espainiako Defentsa Ministerioak joan den apirilaren 15ean eskatu zion baimena Berriobeitiko Udalari eta joan den asteartean udalak ezetza eman dio, argudiatuz horiek baso komunalak direla eta ezin dela halakorik egin. Gaur egun abereentzako belar esparru gisa edo baso ustiaketarako erabiltzen dira lurrok. Iruñerriko herritarrek, halaber, erabilera handia ematen diote aisialdirako, bai oinez, bai bizikletaz.
Diario de Noticias egunkariak dioenez, Berriobetiko alkatetza (Navarra Suma) udalaren idazkaritzak prestatutako txostenean oinarritu da militarren eskaria atzera botatzeko. Txostena Nafarroako Gobernuko lau alorretako atalez osatuta dago: lur komunalen atala, estrategia eta lurralde antolaketa, ingurumena eta memoria historikoa.
Horrez gain, obrak egin nahi diren lur eremuaren jabetzari buruzko auzia ere badela erakutsi du udalaren txostenak, militarrek haien jabetza direla baitiote eta udalaren iritziz gaur egungo katastroan argi adierazten da lurrak hainbat udal erakunderenak direla.
ErriBerri eraikuntza enpresak sei hilabete ditu Izabako lursaila “inguruarekin bat datorren egoera naturalean” uzteko. Orain lanen bigarren faseari ekingo diote, hondakinak, zimenduak eta gasolio depositu zaharrak kentzeko.
Loiolako kuartelen afera ez dago bere onenean. Espainiako Defentsa Ministerioak eta Donostiako Udalak akordioa “aldi baterako” etetea erabaki zuten joan den astean, hilaren 18a baino lehenago ezin izango zutelako gauzatu, eta hori delako, hain zuzen, salerosketa... [+]
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
9.791 milioi eurotik 12.317 milioira igoko du gastu militarra Espainiako Gobernuak, NATOk ezarritako helburua betetzeko. %42,5 igo dira armamentura bideratutako diru-partidak PSOEren eta Unidas Podemosen koalizio gobernua Moncloara heldu zenetik.
Pasa den astelehenean, sua piztu zen Bardean, eta Poligonoaren Aurkako Asanbladak Espainiako armadaren maniobra militarrei egotzi die ezbeharra.
Aste-akabu honetan, Espainiako Armadako Mendez-Nuñez izeneko fragata helduko da Getxoko gurutza-ontzien terminalera. Hala, maiatzaren 6tik 8ra bitartean, itsasontzi horrek bere ateak irekiko ditu publikoki. Horren aurrean, Getxoko EH Bilduk deitoratu du bisita hori... [+]
Munduko gastu militarrak lehenbizikoz gainditu du bi bilioi dolarreko langa. 2021ean 2,11 bilioi dolar xahutu dira, 1,97 bilioi euro, 2020an baino %0,7 gehiago, balio errealei erreparatuta. Aintzat hartuta pandemia betean egindako gastuez ari garela, eta Ukrainako gerra... [+]
Barne Produktu Gordinaren %1,4 bideratzen da gaur egun Espainiako Defentsa ministeriora. Gastua %2raino igo nahi du datozen urteetan Gobernuak, Pedro Sánchezek iragarri duenez.
Nafarroako ikastetxe guztiek jaso dute Espainiako Indar Armatuen nondik norakoak jasotzen dituen eskola dokumentua. LAB sindikatuak bidalketa salatu du, sare sozialetan.