Berriaren berrikuntzak kalean dira
Berria komunikazio produktuetako berrikuntzak aurkeztu dituzte ostegun iluntzean San Telmo kaperan ospatutako ekitaldi goxoan. Larunbatetik aurrera banatuko den egunkaria, asteartetik martxan den webgunea eta Badok ataria. Martxelo Otamendik aldaketa kokatzeko nabarmendu zuen krisi bikoitzaren aurrean (ekonomikoa eta komunikabideena) bi aukera zituztela: "etxean malkotan geratzea edo errebelatzea", eta bigarrenaren aldarria dela aldaketa.
Mikel Peruarena Ansak zuzendu du egunkaria berritzeko sei hilabeteko prozesua, eta inoizko parte hartzerik handiena izan du oinarrian, Otamendik azaldu zuenez: 800 inkestatik gora egin dizkiete harpidedun eta Berria lagunei, eta langile, langile ohi, kolaboratzaile eta unibertsitateko irakasleek egin dituzte ekarpenak. Hiru zutabetan gauzatu da aldaketa:
Igandeko Berria
Ez da Igandea gehigarririk izango, "Igandeko Berria" edizio berezia baizik. Elkarrizketa luzeak, analisiak eta erreportaje landuz osatua, "lasai irakurtzekoa".
Iritzia eta kultura
Bere irakurleek bi atal horiei ematen dieten garrantzia dela eta, biak indartzea erabaki dute. Iritziak orri gehiago eta sinadura berriak hartuko ditu. Igandeetan Nasan kaleratuko da, zortzi orriko kultur gehigarria.
Tantoa eta Bizigiro gehigarriak
Kirola eta aisia da indartuko diren beste bi eremuak. Kirolen jarraipena egingo duen Tantoa asteartetan banatuko da. Eta larunbatetan Bizigiro gehigarriak gerturatuko ditu aisialdiko gomendioak.
Webguneak aste osoz edizio jarraitua izango du
Egunero 7:00-23:00etara egingo du albisteen jarraipena interneteko erredakzioak. Pello Urzelaik zuzendutako aldaketen artean, lan moldeaz gain diseinua ere berritu da erabilerrazagoa izan dadin eta albisteak entzuteko aukera ere ematen du.
Jon Eskisabelek azaldu zuenez, duela lau urte ataria abiatu zutenetik euskal musikaren ondarea jaso, antolatu eta jendearen esku jartzea izan du xede. Musikaren munduak, bai entzuleek eta bai sortzaileek, plataforma digitaletara jo dute eta Badok berrituak bide berari heldu dio: 11.000 kantu jarri ditu entzungai, plataforma digitalak lotuz. Horrez gain "musika aldizkaria" atalean eduki propioak landuko dituzte: elkarrizketak, kritikak...
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
Otamendi 30 urtez izan da Euskaldunon Egunkariako eta Berriako zuzendari, eta erretiroa hartuko du 65 urte beteta. Mujika 1995etik da bi hedabide horietako kazetari, eta zuzendariorde aritu da azken urteetan.
Zaldibarko luizia zergatik gertatu zen argitzea helburu zuten bi ikerketaren emaitzak jaso ditu Berria egunkariak. Jaurlaritzak eskatutako peritu txostenek ondorioztatu dute zabor masak gainditu egin zuela jarritako geotestilaren euste ahalmena, Iñaki Petxarroman eta... [+]
2017ko urtarrilaren 3an, Jone San Martinek honako hau esan zuen Berria egunkarian: “Gure mugek azaleratzen dute gure sormena ere”. Edu Zelaietak, aldiz, zera irakurri zuen: “Gure sormenak azaleratzen ditu gure mugak ere”.
“Igandeetako azalak, zerbait izatekotan, talde lanaren emaitza dira”, adierazi dute Berriako Jakes Goikoetxeak eta Maixa Olanok, Prentsaren ARGIA saria eskuetan. “Jende askok parte hartzen du azalak pentsatzeko eta egiteko prozesuan: kazetariek, editoreek,... [+]
Hasieran, elkarrizketa egiteko proposatu nionean, Pilar Mendibilek zalantzak agertu zizkidan. Geratu ginen kafe bat hartzeko, hitz egin genuen, eta azkenean, onartu zuen gonbita, garrantzitsua iruditzen zaiolako berea bezalako bidea egin duen jendearen ahotsa biltzea... [+]
Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.
Hamabosgarren urteurreneko ekitaldia egin du ‘Berriak’ asteazkenean. Urteotako berritasunak nabarmendu dituzte eta etorkizunerako babesa eskatu dute.
Danele Sarriugarte Mochalesek, Kattalin Miner Perezek eta Maddi Altuna Galfarsorok jaso dute Martin Ugalde beka, Euskaldunon Egunkariak eta Berria-k genero gaietan izandako eragina ikertuko dute urtebetez.
