‘Berria’ egunkariko zuzendaritza Amagoia Mujikak hartuko du, Martxelo Otamendiren ordez
Otamendi 30 urtez izan da Euskaldunon Egunkariako eta Berriako zuzendari, eta erretiroa hartuko du 65 urte beteta. Mujika 1995etik da bi hedabide horietako kazetari, eta zuzendariorde aritu da azken urteetan.
Uztailaren 1ean egingo dute Berria egunkariaren gidaritza aldaketa, hedabideak hogei urte bete dituen urte honetan. Martxelo Otamendik zuzendari kargua utziko du, erretiroa hartzeko. Haren hutsunea beteko du Amagoia Mujika Tolaretxipik, egungo zuzendariordeak. Mujika 1995ean hasi zen Euskaldunon Egunkarian, hori indarrez itxitakoan Eguneron jarraitu zuen, eta Berriako erredakzioan hasieratik aritu da lanean, hainbat sailetan eta kargutan; egun zuzendariordea da.
Ostiralean egin zuten Berria Taldearen akziodunen batzarra, eta bertan egin zuten publiko albistea. 30 urte egin ditu zuzendari postuan Otamendik, lehenik Euskaldunon Egunkarian eta gero Berria egunkarian. Orain, Administrazio Kontseiluaren kide izatera pasako da. Batzarrean lantaldearen garrantzia azpimarratu zuten, eta Otamendik eta Mujikak berretsi zuten lema hartzea errazagoa dela horrelako lantaldearekin.
Mujikak dio “erronka” izango dela ardura berria, eta udazkenerako aldaketa gehiago iragarri ditu: “Berria eguneratuko da aldi konplexu hau hobeto kontatu, aztertu, ulertzen laguntzeko asmoz. Ahalegin hori edizio digitalean zein inprimatuan nabarituko du irakurleak”. Digitalizazioan indarra jarriko dute, eta jakinarazi dute diseinuan ere aldaketak sumatuko direla. “Jauzi digitala” aipatu dute, eta nabarmendu “egunkari moderno” bilakatzeko prozesua dela egungo erronka.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
Zaldibarko luizia zergatik gertatu zen argitzea helburu zuten bi ikerketaren emaitzak jaso ditu Berria egunkariak. Jaurlaritzak eskatutako peritu txostenek ondorioztatu dute zabor masak gainditu egin zuela jarritako geotestilaren euste ahalmena, Iñaki Petxarroman eta... [+]
2017ko urtarrilaren 3an, Jone San Martinek honako hau esan zuen Berria egunkarian: “Gure mugek azaleratzen dute gure sormena ere”. Edu Zelaietak, aldiz, zera irakurri zuen: “Gure sormenak azaleratzen ditu gure mugak ere”.
“Igandeetako azalak, zerbait izatekotan, talde lanaren emaitza dira”, adierazi dute Berriako Jakes Goikoetxeak eta Maixa Olanok, Prentsaren ARGIA saria eskuetan. “Jende askok parte hartzen du azalak pentsatzeko eta egiteko prozesuan: kazetariek, editoreek,... [+]
Hasieran, elkarrizketa egiteko proposatu nionean, Pilar Mendibilek zalantzak agertu zizkidan. Geratu ginen kafe bat hartzeko, hitz egin genuen, eta azkenean, onartu zuen gonbita, garrantzitsua iruditzen zaiolako berea bezalako bidea egin duen jendearen ahotsa biltzea... [+]
Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.
Hamabosgarren urteurreneko ekitaldia egin du ‘Berriak’ asteazkenean. Urteotako berritasunak nabarmendu dituzte eta etorkizunerako babesa eskatu dute.
Danele Sarriugarte Mochalesek, Kattalin Miner Perezek eta Maddi Altuna Galfarsorok jaso dute Martin Ugalde beka, Euskaldunon Egunkariak eta Berria-k genero gaietan izandako eragina ikertuko dute urtebetez.
