Bermeon itunpeko eskolek “gain-eskaintza larria” egiten dutela salatu dute
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute eskola publikoko familiek, eta Hezkuntza Saila seinalatu.
Bai berriki onarturiko Hezkuntza Legeak bai EAEko hainbat dekretu eta aginduk diote eskola-plazen gain-eskaintza saihestuko dela eta eskaintza egokitu behar dela eskolaratze-premia errealetara. Datuak eskutan, baina, Bermeon egoera ez dela hori salatu dute San Frantzisko herri ikastetxe publikoko familiek, eta urgentziazko bilera eskatu diote Eusko Jaurlaritzaren Hezkuntza Sailari.
Bermeon (Gernika eta Zornotza ere nabarmentzen dituzte) itunpeko plazen gain-eskaintza "bereziki larria" eta "segregatzailea" dela diote, eta horrek, bizi dugun jaiotze-tasaren beherakadari lotuta, inguruko eskola publiko txikiak hustea, ixtea edota fusionatzea ekarriko duela.
98 ume, hiru ikastetxetan banatuta
Datutara ekarri dute panorama San Frantziskoko familiek. Joan den ikasturtean, 2 urteko 89 umeetatik 23 esleitu zitzaizkion eskola publikoari (36 haurrentzako eskaintza egin zuen Jaurlaritzak, nahiz eta 54 plazarentzako ahalmena duela azpimarratu duten familiek), 28 Eleizalde ikastolari (50 plaza eskaini zituzten) eta 38 Sagrado Corazón kristau eskolari (beste 50 eskaini zituzten).
Datorren ikasturtera begira otsailean abiatuko den matrikulazio kanpainan 2 urteko 98 umek hartuko du parte. San Frantzisko eskola publikoan, 2 urteko gelan 54 plaza eta hiru gela betetzeko ahalmena dutela dio guraso elkarteak, baina 36 umerentzako matrikulazio aurreikuspena duela Eusko Jaurlaritzak. Kontuak kontu, 54 plaza horiek publikoan betez gero, beste 44 ume hartu beharko lituzkete bi itunduek, “guztira hiru gela, eta ez aurten itunduta dauzkaten bost gelak”. Publikoko guraso elkartearen hitzetan, “bi zentroen artean Haur Hezkuntzako bigarren ziklo osorako 100 plaza dauzkate itunduta, behar diren %227”.
Ikastetxe kontzertatuek 2 urteko gelarentzat Jaurlaritzarekin itunduta dutenak aukera ematen die 3. eta 4. mailan 92 ume hartzeko, eta Lehen Hezkuntzan, berriz, baita 100 haur hartzeko ere, San Frantziskotik salatu dutenez: "Udalerriko eskolatze-premia osoa" da hori, "injustua, ez eraginkorra eta ilegala".
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
