Bermeoko herri mugimenduen Kabidxe gunea arriskuan da, EAJk han Gaztelugatxeko interpretazio zentroa ezarri nahi duelako
Kabidxe gune sozialean biltzen diren taldeek kezka adierazi dute. Udal Gobernuarekin (EAJ) interlokuziorako proposamena bidalita ere, hedabideen bidez jakin dute haiek, udalarekin 2014an adostutako akordioaren arabera, kudeatutako lokal publikoan ezarri nahi dutela Gaztelugatxeko interpretazio zentroa. Hala, ostiralean, 18:00etan Kabidxe gunean egingo duten prentsaurrekora joateko deia egin dute.
Aritz Abaroa Bermeoko alkateak eta EAJko alkategaiak jakinarazi du abian dela Gaztelugatxeko interpretazio zentroa egun Kabidxe gune soziala dagoen lokal publikoetan ezartzeko proiektua. El Correo hedabidean azpimarratu du "euskal kostaldeko leku bakanetako batek duen historia, berezitasun naturala eta kondaira zein mitoak" ezagutarazteko balioko duela.
Kabidxe gune soziala Bermeoko erdigunean dago, Alde Zaharreko goiko plazan BBKk zituen bulegoetan. Erakundearen gizarte-ekintzaren murrizketagatik erabilerarik gabe geratu ondoren, Udalaren esku geratu zen lokalaren kudeaketa . Hori dela eta, 2014an gizarteko eta kulturako hainbat talderen esku utzi zuen kudeaketa, eta gaur egun indarrean dagoen hitzarmen baten bidez.
Gaur egun, Kabidxen Bermeoko kultur eta herri ekimenak antolatzen dira, hala nola San Juan, Olentzero, Euskara Eguna, Txosnen Batzordearen batzarrak eta herriko talde eta pertsona askoren bilerak. Esate baterako, azken asteetan Andrea Jaurrieta zuzendariaren 'Nina' filmaren ekoizpen taldeak Kabidxe erabili du filmaketako hainbat jardueratarako.
Kolektiboa osatzen duten hogei bat taldeek ohar bidez adierazi dute hain kezka, arriskuan ikusten dutelako herriko eragile eta norbanako guztiei zabaldutako gune sozialaren etorkizuna. Gainera, berriki, prozesu parte-hartzailea burutu dutela jakinarazi dute eta haren bidez "eraketa, parte hartze eta erabilera sistemak errebisatu eta adostu berri dituztela". Era berean, jakinarazi dute Udal Gobernuaren asmoa hedabideen bidez jaso dutela, nahiz eta interlokuziorako proposamena udalari helarazi dioten.
Hortaz, ostiralean (maiatzak 26), 18:00etan prentsaurrekoa egingo dute gune sozialean bertan, "S.O.S Kabidxe" lelopean "ezinegona eta haserrea" erakusteko. Bermeoko herritarrei bertaratzeko deia egin die.
Laborantza iraunkor eta herrikoiaren hitzordua den Lurrama azokan izanen da Karine Jacquemart, Frantziako Foodwatch elkarteko zuzendaria. Elikadura-eskubidea herritar orori bermatzeko helburuari tiraka, hainbat ekintza bideratzen dabiltza –herritar mobilizazioak, agintari... [+]
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Ekintza zuzena burutu dute Donostiako Marrutxipin 600 pertsonatik gorak. Ategorrieta ondoan, Sorleku parkea egitea nahi duten lur-eremuaren inguruan buelta bat eman ostean, barrura sartu dira ordu erdi pasatxo iraun duen protestan. Duela hainbat urte, Donostiako Udalaren... [+]
Ikusiker ikus-entzunezkoen behategiak plazaratu dituen datuetatik abiatuta, gazteek gailu eta plataforma digitalengandik jasotzen dituzten balore eta mundu-ikuskerari buruz hitz egin digute, besteak beste, hainbat adituk.
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Bilboko Udalak eta zenbait hedabidek neska batek gaugiroan bizitako bortxaketaren berri eman zuten, biktimaren baimenik gabe eta modu sentsazionalistan. Emakumeak sare sozialetan bilatu zituen bestelako aliantzak, berbiktimizazioari aurre egiteko. Bere testigantza harilkatu dugu... [+]
Izendapenak ohiko etxebizitzarako alokairuaren prezioen arautzea ekarriko du. Nolanahi ere, udal ordezkariek argi utzi dute, legediaren bitartez soilik, ezin izango zaiola aurre egin etxebizitzaren aferari. Ondo bidean, 2025eko lehen hilabeteetan indarrean sartzea aurreikusten... [+]
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Leku izen bakarra aski da, azken denbora hauetan gertatu den emakumeen aurkako biolentzia kasurik larriena aipatzen hasteko: Probentzako herri horretan, senar batek emaztea kimikoki menderatu eta beste gizon batzuen –ehun bat omen dira– sexu-meneko utzi du hamar... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Irakasleei oinarrizko yoga formazioa eman, gero gelan ikasleekin aplikatu dezaten, horretan dihardu Maite Eizmendik. Ikasle-irakasleak "lo" iritsi direla eskolara? Jolas-orduaren ostean ezin kontzentratuta daudela? Presio akademikoak itota dituela? Aktibatzeko,... [+]