Berlinaleko sari nagusia lortu duen Carla Simon Donostiako ikastaro batean izango da ostiral honetan
Carla Simon zine zuzendari kataluniarra Donostiako Koldo Mitxelena Kulturunean hitz egitekoa zen ostiral honetan. Alcarràs filmarekin Berlinale jaialdiko Urrezko Hartza eskuratu du asteazkenean eta "agenda eta logistika" kontuak medio, Ana Pfaff muntatzailearekin batera egitekoa zen solasaldia online formatura pasa da.
Zinemaldiak eta Elias Querejeta Zine Eskolak (EQZE) antolatutako "Zinemagileen arteko elkarrizketak" zikloaren barruan hitz egingo du Simonek, telematikoki. Koldo Mitxelenako areto nagusian ikusi ahalko da solasaldia, ostiralean, 19:00etatik aurrera. "Zinemagileen arteko elkarrizketak" ikastaroko matrikulazio-epea itxita dagoenez, izena emanda zutenentzat erreserbatutako jarduera izango da.
2017ko Estiu 1993 filmarekin ibilbide zinematografiko sendo bati hasiera eman zion egileak solaskide izango du Ana Pfaff, bide horretan ezinbesteko kolaboratzaile izan duen muntatzailea. Donostiarekin lotura dute biek, EQZEko lankideak izateaz gain, irakasle-taldeko kideak baitira.
Elkarrizketak berez piztu zuen interesari –280 lagunek eman zuten izena "Zinemagileen arteko elkarrizketak" ikastaroan– gehitu zaio asteazken honetan Berlingo zine jaialdiko sari nagusia irabazi duela Simonen azken pelikulak. Eta ez edonola gainera: Hong Sangsoo edo Claire Denis bezalako egileen lanekin lehiatu ondoren jaso du epaimahaiaren aitortza Alcarràs-ek, Simonen film berriak. Berlinen horrelako hasiera izan ondoren, apirilaren 29an estreinatuko da Hego Euskal Herriko zine aretoetan.
Drama familiarra da Alcarràs, nekazaritza-jardueren desagerpena abiapuntu duen istorio bat. Profesionalak ez diren aktoreekin errodatua, filmak badu harremanik zuzendariaren bizitzarekin, haren senide batzuek frutagintzan lan egiten baitzuten pelikulari izena ematen dion herrian. Alde horretatik, egon daiteke Estiu 1993-rekin lotzen duen hari bat, duela bost urte estreinatu zuen lehen film luzean Simonek bere haurtzaroko momentu bat izan baitzuen oinarri.
Ostiraleko solasaldian, pelikula baten atzean egon ohi den lan ikusezinaz arituko dira. Zinemaldiak eta EQZEk azpimarratu dutenez, "proiektu zinematografiko batean, begirada artistikoa zuzendariari egozten bazaio ere, gidoia, finantzaketa, ekoizpena, filmaketa edo postprodukzioa errealizazioaren zati ukaezinak dira. Hori dela eta, zinemagile bakoitzak eta bere laguntzaileak ikuspegi artistiko desberdinak partekatuko dituzte, eta laneko materialak erakutsiko dizkigute, hala nola dosierrak, gidoiak, filmaketa planak eta ekoizpenaren eta zuzendaritzaren artean partekatutako dokumentuak".
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Maiatzaren 7an hasiko da zikloa, Gazaren inguruko hiru dokumental laburrekin.
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.