Txapa Irratia bere 40. urteurreneko ospakizunetan murgilduta dabil
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Euskal Herriko irrati libre askoren gisara, 1980. hamarkadan sortu zuten Bergarako Txapa Irratia, 1984an. 1989ra bitartean herriko sindikatu batek utzi lokal batean hasi zen emititzen irratsaioak, udalaren jabetzako lokal batean finkatu zen arte. Handik Bergarako Kartzela zaharrera mugitu eta bertan jarraitzen du proiektuak, hasierako oinarriak aldatu gabe: autogestioa, autofinantziazioa eta burujabetza. Euskal Herriko Irrati Libreen Arrosa Sareko kide esanguratsua da Txapa Irratia.
Ikasturte honetan ospatuko dute urteurrena eta lehen ekintza otsailaren 23an izan zen Kartzela zaharrean bertan (Aitor Escobarren kontzertua). Hau da prestatu duten egitaraua:
- Martxoak 9: Anariren kontzertua, 19:00etan.
- Martxoak 13: Mejillon tigreren hitz-esana, 21:00etan.
- Martxoak 21: Juan Pablo Balcazar Trioren kontzertua, 22:00etan.
- Martxoak 29: Txapa Eguna.
- Apirilak 12: Erramu-zapatuko bazkaria.
- Maiatzak 11: Flamenko erritmo tailerra eta kontzertua. Askoa eta lagunak "Ufadak"
Lander Juaristi Txapako kideak Goiena hedabideari azaldu dioenez, urtero hainbat ekintza antolatzen dituzte, baina urteurrenean irratia "balioan" jartzeko asmoa dute: "Urteurrena baliatu nahi dugu 40 urteak eta urte horietan pasa diren ahots eta irratsaio guztiak balioan jartzeko".
Andoni Larrañaga irratiko kideak azpimarratu du irratia herrira "zertxobait gehiago" hurbiltzea dela helburua: "Txapak historikoki musika eta beste adierazpen batzuk herrira gerturatu izan ditu, eta hori egiteko asmoa daukagu". Musika eskaintzaz gain, egungo irratiko kideek eta kide ohiek bazkaria egingo dute martxoaren 29an Pertxa elkartean.
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Martxoaren 4an, Oreretan egingo ditu Arrosa Sareak aurtengo Topaketak, bertako Zintzilik irrati librearen eskutik. Elkarrekin egoteko parada izateaz gain, “gure presentzia aldarrikatzeko” eguna ere izango da, Aitziber Zapirain sareko kideak ARGIAri kontatu dionez.
Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.
Hala Bedik Izan Media tailerren edizio berria antolatu du. Tailer hauen helburua herri mugimenduak zein norbanakoak komunikazioaren arloan ahalduntzea da, eta bide batez, Hala Bediren proiektu komunikatiboan inplikatzea.
Linterna de Diógenes irratsaioari ahotsa jartzen dio Arkadio irakaslea ezizenez ezaguna den Arkaitz Prietok (Errekalde, 1981). Haien bizimodua, kultura, balioak eta antolaketa moduak ardatz hartuta klase desjabetuen historia azaltzea eta aldi berean menderatze sistemak... [+]
Tailerrak eta mahai-inguruak, dokumental estreinaldia zein kontzertuak egin zituzten larunbatean Iurretako Abadetxean, Bizkaian. Topaketa berezia izan da aurtengoa, hogei urte egin baititu Arrosa sareak.
Azaroaren 6an egingo dira Arrosaren IX. Topaketak, Iurretan, jaio berria den Laixiar irratia anfitrioi dela. Edizio berezia izango da, irrati libreen sareak 20 urte bete baititu aurten.