Bere buruaz beste egin du 65 urteko emakume batek Madrilen, etxetik bota behar zuten unean
Alokairuan bizi zen duela lau urtetatik. Epailearen aginduarekin joan da Polizia astelehenean, baina emakumeak ez die atea ireki. Minutu batzuk geroago bosgarren pisutik salto egin du.
Madrilgo Chamberí barrutiko etxebizitza bloke handi batean bizi zen 65 urteko emakumea 2014az geroztik, bakarrik. Hainbat hilabete zeramatzan alokairua ordaindu gabe, eta Poliziaren hainbat abisu jaso ondoren, jakitun zen etxetik egotzia izango zela lehenago edo beranduago, Publico-k jaso duenez.
Astelehenean azaldu zen Polizia bere etxera epailearen agindua eskuetan zuela, etxegabetze prozesua burutzera. Txirrina hainbatetan jo eta atea irekitzen ez zuela ikusita, barrura sartzekoak ziren. Momentu horretan bertan emakumeak bere burua bota zuen bosgarren pisutik. Osasun zerbitzuak emakumea suspertzen ahalegindu arren, alferrik izan zen.
Madrilgo Udalak jakitera eman duenez, alokairu “pribatu” batean bizi zen; hots, jabea norbanako bat edo enpresa bat den ez dakite. Jabego horrek eman zion Poliziari berri, eta ezer gehiago ez da jakin orduz geroztik, hala jaso du ElDiario.es-ek.
Egunean 15 etxegabetze
Chamberí barrutiko Etxegabetzeei STOP plataformako kideek adierazi dute ez zutela emakumearen egoeraren berri. Bestela, gainerakoekin egiten dute bezala, “borrokan lagunduko ziotela” esan dute.
Kasu honekin batera, Madrilgo etxegabetze datuak argitara atera dituzte plataformako kideek. Hiri horretan egunean 15 pertsona botatzen dituzte etxetik, eta 2018 honetan jada hiru milara gerturatzen doa kopurua. Espainiar Estatuaren kasuan, egunean 100 kaleratze inguru ematen dira. Iaz, orotara 35.666 familia eta norbanako kaleratu zituzten.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.