Asteartean abiatu zen Kote Cabezudo Donostiako moda argazkilariaren aurkako epaiketa nagusia. Lehen saioan akusatuak hartu du hitza, eta besteren artean adierazi du bere argazkiak pornografiatzat hartzen badira gizartearen begirada aldatu delako dela. Salaketak jarri dituzten emakumeen egoera psikikoa ere jarri du auzitan. Ostegunean egingo den bigarren saioan hartuko dute hitza salaketak jarri dituzten emakumeek.
Bederatzi urte eta gero, asteartean abiatu zen Gipuzkoako Probintzia Auzitegian Kote Cabezudo moda argazkilari donostiarraren aurkako epaiketa nagusia. Hamazazpi emakumeren salaketak ditu oinarri, eta sexu-izaerako 32 delitu egozten dizkiote, haur pornografiari, iruzurrari eta modeloen osotasun moralari lotutakoak, besteak beste.
Berriak jaso ditu epaiketaren lehen saioko nondik norakoak. Hasieratik, akusatuak soilik Fiskalaren galderak erantzungo zituela adierazi zuen, eta esandakoari segi, hala egin zuen, defentsa abokatuaren galderei ere erantzunez. Cabezudoren erreferentziazko argazkilari batzuen lanak hizpide hartuaz hasi zuen saioa Fiskalak, argazkilariak adierazi izan baitu biluzien argazkiak egin dituzten argazkilari horiek miresten dituela, haien lanarekin alderatuz berea. Hainbat sententziek lan horietako zenbait "haur pornografiatzat" jo dituztela adierazi zion Fiskalak, baina akusatuak ez du iritzi bera agertu. Berrian irakur daitekeenez, Cabezudoren arabera argazki horiek ezin daitezke txartzat jo, horien egileek beren lanak erakusketa zein liburuetan erakutsi baitituzte. Haren begietara, gizartearen begirada da aldatu dena, eta hortxe legoke auziaren funtsa. "Orain dela hamar-hamabi urtetik hona, inork ez du deus jakin nahi biluziez". Akusatuaren ulerkeraren arabera, erlijioagatik eta "muturreko" ikuskerak izateagatik sor diezaiokete errefusa zenbait pertsonari argazkiek.
Salaketa jarri duten emakumeei buruz ere galdegin zion Fiskalak. Gauza batzuez ez dela oroitzen erantzun zuen argazkilariak, eta haiekin lan egiteko zeukan moduari buruz hitz egin zuen. Adierazi zuenez, emakumeak zuzentzen zituen berak; "ni nintzen orkestra zuzendaria", bere hitzetan. Edozelan ere, ukatu egin zuen argazki pornografikoak egin izana, eta bereak "sentsualtasunarekin" lotutako argazkiak zirela esan. "Gaur egun denari esaten zaio pornografia", eman zuen iritzia. Adierazi zuen modeloekin kontratuak sinatzen zituela eta emakumeek egingo zutena bazekitela, eta adin txikikoen kasuan gurasoak ere lanaren nondik-norakoen jakitun izaten zirela.
Fiskalak sexu erasoen gainean galdegiterakoak, halakorik egin izana ukatu zuen akusatuak. Aipatu zuen orotara 600 modelo baino gehiagori egin dizkiela argazkiak, eta horietako askorekin harreman ona izan duela. Argazkilariak salaketak jarri dituzten emakumeen egoera psikikora desbideratu nahi izan du arreta, defendatuz salaketa jarri duten emakumeek haurtzaroan sorburua duten arazoen eraginez erabaki dute bere aurka egitea. Gisako baieztapena egiteko UNED urrutiko unibertsitatean egiten ari den psikologia ikasketetan oinarritzen dela esan zuen.
Ostegunean jarraituko du auzibideak, eta salaketa jarri duten emakumeak deklaratuko dute saio horretan. Lehen saioaren ostean akusazio partikularrak jakinarazi zuenez, akusatuak epaimahaiaren esandakoak atzera botatzeko "ebidentziak" aurkeztuko dituztela auzitegian.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]