Hainbat osasun langile eta erabiltzaile dira Berdin elkartearen sortzaileak. Osasun arreta euskaraz jasotzeko eskubidea ardatz delarik, herritarrak euskararen erabileran urratsak ematera adoretzeko baliabideak eskura jarriko dituzte elkarteko kideek. Berdin elkartea apirilaren 28an aurkeztuko dute Durangon.
Elkarteko kideen ustez, osasun arreta eta hizkuntza banaezinak dira. Hala, kalitatezko osasun arreta pazientearen lehentasunezko hizkuntzan eskaini behar da. Hizkuntza guztietan ezinezkoa bada ere, EAEn ofizialak diren hizkuntzetan aritzea bermatu behar dela uste dute.
Begi-bistakoa da osasungintzako zerbitzu guztietan ez dagoela arreta euskaraz bermatuta, eta elkartearen helburua herritarren eskubidea bete dadin presio egitea da. Aitor Montes (Argian egindako elkarrizketa irakurri) da elkartearen sortzaileetako bat, eta berak sarri esan izan du, osasungintzan euskarazko arreta eskatzea zaila egiten zaiela euskaltzaleei; batetik, pazientea sarri kezkatuta eta urduri doalako medikuarenagana osasun arazoak tarteko, eta bestetik, osasungintzako barne egiturak konplexuak dira eta funtzionamendu mekanismoak ulertzea ez da batere erraza.
Horregatik, elkarteak osasun arloko profesionalak eta osasun zerbitzuen erabiltzaileak harremanetan jarri nahi ditu, eta herritarrei informazioa eta aholkularitza eskaini nahi dizkie euskaraz artatuak izateko eskubidea aldarrikatu dezaten.
Arrasaten "kexa poteoa"
Ez da ezerezetik sortu elkartea. Kide batzuek ahalegin solteak eginak dituzte. Azkena Arrasaten egin zuten. Kexa poteoan 100dik gora lagunek kexak eta iruzkinak egin zituzten odol analisiak eta historia klinikoa euskaraz eskatzeko, mediku euskaldunak ez dituztelako, eta norberaren lehentasunezko hizkuntza euskara izatea nahi dutelako. Aitor Montes medikuak eta Garazi Sagasta erizainak arrasatearren kexak jaso eta Elebideri, Behatokiari eta Osakidetzak eskualdeka dituen zuzendaritzei bidali zizkien.
Berdin elkartearen aurkezpena apirilaren 28an izango da, Plateruenan (Durango), 16:45ean.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Duela egun batzuk, Donostiako epaitegiko epaile batek Udaltzaingorako bi lanpostutarako euskararen B2 hizkuntza eskakizuna eskatzea baztertu zuen. Epaile berak, aldi honetan, Donostiako Udalaren erabakia babestu du, eta adierazi du Digitalizazio Kartografikoko bi udal... [+]
Euskalgintzaren Kontseiluak eta beste eragile ugarik datorren larunbatean Bilbon deituriko manifestazioarekin bat egin du Gasteizko Legebiltzarrak EH Bildu eta EAJren sostenguarekin.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.