Berbaz aldizkari literarioa aurkeztu dute Sorginola gaztetxeko Ateneoako kideek
Sorkuntza aldizkaria da Berbaz, durangaldeko gazteen lanekin ekoiztutakoa. Ateneoako kideak dira proiektuaren bultzatzaileak, Sorginola gaztetxearen baitan sortutako proiektuko gazteak. Kultura bultzatzeko helburuarekin, azken hiru urteotan ekimen ezberdinak egin dituzte.
Durangoko Sorginola gaztetxeko hirugarren urteurrenaren Fundifest jaialdian aurkeztu zuten Berbaz aldizkari literarioa; hain zuzen ere, ekainaren 29an. Bertaratu zirenek lehen aleak eskuratzeko aukera izan zutela azaldu dute aldizkariaren bultzatzaile diren Ateneoako kideek, uztailaren 7an ere Durangoko Goienkale kalean jarri zuten postutxo batean herritarrek eskuratzeko aukera izan zutela gaineratuz. Aldizkaria orain arte aurrera eraman duten proiekturik potenteena dela azaldu dute sortzaileek, gazteen artean kultura bultzatzea helburu, aurretik ekimen ezberdinak egin dituztela adieraziz.
"Aldizkariaren edukian literaturak berebiziko garrantzia hartzen du", nabarmendu nahi izan dute Ateneoako kideek. Alde batetik, zenbait gaztek bidalitako lanek osatzen dute sortu berri duten proiektua; bestetik, "24 ordu paperean" jolas literarioan jasotako lanak ere bildu dituzte aldizkarian. Literaturaz aparte, ordea, kulturaren eta sorkuntzaren aniztasuna azpimarratu nahi izan dute; besteak beste, musika, artea edota antzerkia. Horretarako elkarrizketak eta iritzi artikuluak tartekatu dituzte.
Aldizkaria sarean ez ezik, Durangoko Hitz liburudendan eta Intxaurre Kultur Elkartean eskuragarri dagoela jakinarazi dute Ateneoako kideek, bi euroren truke. Horrez gain, aurki durangaldeko beste herri batzuetako gaztetxeetan ere salgai jarriko dira.
Albiste hau topatu.eus-ek argitaratu du eta CC-by-sa lizentziari esker ekarri dugu ARGIAra.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]
Master Amaierako lan sendoa aurkeztu berri du Peio Berterretxek. Urte luzetan antzerkian ikasia eta aritua, plaza antzerkien jatorriaz eta gaur egun dituzten funtzioez aritu gara harekin, Lekorneko Kabalkadan oinarrituta egin duen ikerketaren aitzakian.
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]