“Benetan behar duguna da aberastasun natural, kultural eta soziala errespetatuko dituen aldaketa ekonomiko eta soziala”
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete makro-proiektu eoliko hauek "geldiarazteko eta gure mendiak defendatzeko" antolatuko diren ekintza eta mobilizazioetan parte hartzera: hasteko, hitzaldi informatiboak egingo dituzte otsaila hasieran Ereñotzun, Hernanin eta Donostian. Makroproiektuen aurka Euskal Herrian antolatu diren beste taldeekin elkarlanean jarraituko dutela berretsi dute eta Baztango Aroztegiako auzipetuei elkartasuna adierazi diete, eta auzi hori dela-eta otsailaren 1ean Iruñean egingo den manifestazioan parte hartzera dei egin dute.
Urumeako mendietan bi makroproiektu eoliko egin nahi dituztela azaldu du "Urumeako mendiak bizirik" herri ekimenak: batetik, FR Energy enpresak, Repsol multinazionalarekin lotura estua duenak, 100 MWko makroproiektua ezarri nahi du Arano, Ereñotzu, Hernani, Goizueta, Berastegi eta Elduaingo lurretan. Gutxienez 205 metroko altuerako hamalau aerosorgailu ezarri nahi ditu. Bestetik, Endesak 33MWko makroproiektua ezarri nahi du Hernani eta Pagoaga (Ereñotzu) artean.
Herri ekimenak kezka adierazi du: "Enpresa hauek, herri inguruetan CO2a xurgatzeko hain beharrezkoak ditugun ingurune naturaletan atzera-ezinezko txikizioak eragin eta lur-eremu publikoak erabilita, multinazionalen kapital pribatua aberasten jarraitu nahi dute". Ohartarazi dute "Europatik datozen funtsek bultzatutako proiektuak direla", eta energia kontsumo hain altua duen egungo gizarte ereduan, irtenbidea beste norabide batean planteatu dute: "Benetan behar duguna, lurraldea eta bertako aberastasun natural, kultural eta soziala errespetatuko dituen, eta behar energetikoei erantzungo dien aldaketa ekonomikoa eta soziala da. Aurrez antropizatutako eremuak berrerabili daitezkeela uste dugu energia berriztagarriak sortzeko gailuak jartzeko".
Naturan eta gizartean eragingo lituzketen kalteak
Makroproiektu hauek Urumeako bailarako mendien "industrializazioa" dakartela nabarmendu du herri ekimenak eta eragingo luketen kalteak aipatu ditu. Batetik, Arano aerosorgailu erraldoiez inguratuta geldituko litzateke, eta "herriaren biziraupena arriskuan" ikusten dutela ohartarazi dute. Bestetik, Urumea bailarako mendialdea korridore ekologikoa dela nabarmendu dute, "Aiako Harria, Urumea eta Leitzarango naturguneak elkartzen dituena" eta "Gipuzkoako Azpiegitura Berdea osatzeko lehentasunezko eremuetako bat dena". Hori eteteak landare eta animalia espezie askoren biziraupena arriskuan jarriko lukeela dio herri ekimenak. Gainera, gogorarazi dute Urumea arroa eta bere ertzak Kontserbazio Bereziko Eremu izendatuak dituela Eusko Jaurlaritzak berak eta "bailaran egiten diren eraldaketek, zuzenean eragiten diote hauen osasunari". Iturburu eta errekak kaltetuta aterako diren ere beldur dira, lur-mugimenduen ondorioz.
Bestalde, makroproiektu hauek lur desjabetzeak eta baso lurren birkalifikazioa ekarriko lituzketela salatu dute eta haize-errotetara heltzeko bideak zabaldu eta egokitu beharko dituztela, eta horrek "bolumen handiko" lur mugimenduak, lurraren artifizializazioa eta "pobretzea" ekarriko dituela. Abeltzaintza, nekazaritza eta aisialdiko jardunekin "bateraezina" dela esan dute. Eta herritarren bizi-kalitatean eta osasunean "kalte nabarmenak" eragingo lituzketela: kutsadura akustikoa, infrasoinuak, argi-efektuak eta abar.
Azkenik, ondare historiko, arkeologiko eta kulturalean izango duen eragina nabarmendu dute. Onddi-Mandoegi estazio megalitikoa EAEn babestua dagoela oroitarazi dute eta "proiektu hauekin zuzenean kaltetua izan daitekeela" salatu dute.
Hitzaldi informatiboak otsaila hasieran
Urumea mendietako makroproiektuak zertan diren jakin nahi duenak, ekarriko dituzten ondorioez kolektiboan hausnartu nahi duenak eta herri ekimenera gerturatu nahi duenak, aukera ederra du otsaila hasieran.
Ereñotzun otsailaren 6an, 19:15ean Ludotekan egingo dute hitzaldi informatiboa.
Hernanin otsailaren 7an, 19:00etan, Biteri Kultur Etxean izango da hitzaldia.
Donostian otsailaren 27an egingo dute hitzaldi informatiboa, Okendo Kultur Etxean.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.