Beñat Iguaranek lortu du puntu gehien Villabona-Amasan
Gipuzkoako Bertsolari Txapelketaren bigarren final-zortzirena jokatu da igandean (irailak 15) Villabona-Amasako Gurea Antzokian; final-laurdenetarako txartela lortu du Iguaranek.
Villabona-Amasako Gurea Antzokian jokatu da Gipuzkoako Bertsolari Txapelketako bigarren final-zortzirena gaur. Sarrerak aurretiaz agortuta zeuden eta bete egin da aretoa. Kantuan, hurrengo bertsolariak:
Beñat Iguaran Amondarain
Iban Urdangarin Lardizabal
Iñigo Mantzizidor Larrañaga
Maialen Akizu Bidegain
Odei Lopez Larrauri
Oier Etxeberria Zubimendi
Beñat Iguaranek lortu ditu puntu gehien bere herrian, 440,5 puntu. Beraz, urriaren 19an Andoainen jokatuko den final-laurdenean kantatuko du. Horrela geratu dira Villabona-Amasako puntuazioak:
Beñat Iguaran Amondarain...............440,5
Iñigo Mantzizidor Larrañaga.............433,5
Maialen Akizu Bidegain....................432,5
Iban Urdangarin Lardizabal..............420,5
Oier Etxeberria Zubimendi................408,5
Odei Lopez Larrauri............................392,5
Aurkezle lanak Eresti Oiarbide Muruak egin ditu eta epaimahaiko kideak hurrengoak izan dira: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Gorka Segurola Dorronsoro aritu da.
81 urterekin zendu da. Bere aita Fernando Aire 'Xalbador' bezalaxe, bertsolaria eta artzaina izan zen Mixel Aire.
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Astearte goizean aurkeztu dute Gipuzkoako Bertsolari Txapelketako finala, Illunben (Donostia) bertan. Larunbatean, abenduaren 14an, izango da saioa, 17:00etatik aurrera.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
