Beñat Gaztelumendi Arandia nagusi Errenterian
- Bigarren final-laurdena jokatu da gaur Errenterian. Gaztelumendik, irabaztearekin batera, finalaurrekoetarako txartela lortu du.
Errenteriako Lekuona Fabrikak egin dio harrera Gipuzkoako Bertsolari Txapelketako bigarren final-laurdenari. Sei bertsolari hauek aritu dira kantuan bertan:
- Aitor Salegi Martija
- Beñat Gaztelumendi Arandia
- Beñat Iguaran Amondarain
- Iñigo Gorostarzu Etxebeste
- Oihana Arana Cardenal
- Unai Gaztelumendi Arandia
Lan puntuagarriak amaituta, Beñat Gaztelumendi Arandiak bildu ditu puntu gehien: 493. Hori horrela, zuzenean lortu du finalaurrekoetara sailkatzea; Oiartzungoan kantatuko du, azaroaren 17an. Honela geratu dira puntuazioak:
- Beñat Gaztelumendi Arandia.............................493
- Iñigo Gorostarzu Etxebeste................................455
- Beñat Iguaran Amondarain.................................451,5
- Unai Gaztelumendi Arandia................................444
- Oihana Arana Cardenal.......................................440
- Aitor Salegi Martija..............................................427
Gai-jartzailea Aizpea Garmendia Iartza izan da. Epaitzen honako epaile hauek aritu dira: Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkari lanetan, aldiz, Aratz Irazustabarrena Garmendia artu da.
Datorren asteburuan izango dira hurrengo bi final-laurdenak: Azkoitian larunbatean, urriaren 26an, eta Irunen igandean, 27an. Sarrerak, betiko moduan, bertsosarrerak.eus atarian daude eskuragai.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.
Gipuzkoako Bertsolari Txapelketako lehen asteburua jokatuta, Lazkaoko eta Elgoibarko saioen txanda da orain. Irailaren 21ean izango da lehenengoa, eta 22an bigarrena. Sarrerak eskuragai daude bertsosarrerak.eus atarian.
Urretxuko Labeaga aretoan jokatu da 2024ko Gipuzkoako Bertsolari Txapelketako lehen final-zortzirena. Irabaztearekin batera, final-laurdenetara sailkatu da Rekondo. Bihar jokatuko da hurrengo final-zortzirena, Lasarte-Orian.
Gipuzkoako Bertsolari Txapelketako bigarren saioa jokatu da igandean Lasarte-Oriako Manuel Lekuona Kultur Etxean. Puntu gehien bildu ditu Iturriotzek, eta, beraz, final-laurdenetan abestuko du. Datorren larunbatean izango da hurrengo saioa, Lazkaon.