Belen Bilbaok, Argitan-ek eta Skolastikak jasoko dituzte 2022ko Zirgari Sariak
Belen Bilbao mediku eta militante feministaren, Argitan Emakumeentzako Aholku Etxearen eta Skolastika literatur proiektuaren ibilbidea aitortuko dute VII. Zirgari Sariek. Martxoaren 7an egingo da sari banaketa, Bilboko BBK Aretoan.
VII. edizioa dute aurten Zirgari Sariek, emakumeen eta gizonen arteko berdintasuna bultzatzen duten norbanakoak, erakundeak eta proiektuak saritzeko Bizkaiko Foru Aldundiaren eta BBK erakundearen sariek. Enplegua, Gizarte Inklusioa eta Berdintasuna Sustatzeko foru diputatu Teresa Laespada eta BBK-ko Gizarte Ekintzako zuzendari Nora Sarasolaren ahotik, asteartean jakinarazi dute zeintzuk jo dituzten aurtengo sariaren merezidun: Belen Bilbao mediku eta militante feministari emango diote ibilbidearen saria, Barakaldoko Argitan Emakumeen Aholku Etxearentzat izango da erakundearen saria, eta Skolastikak eramango du proiektuaren saria.
Bilbon kokatutako Dora Salazar artistaren 'Zirgariak' eskulturaren ondoan ezagutarazi dituzte aurtengo sarituen izenak, sarien "inspirazio iturri" baita "duela mende bat itsasadarrean zehar euren indar fisiko eta zirga baten laguntzarekin ontziak atoian eramaten zituzten emakumeen lana". Prentsaurrekoa baliatu dute, baita ere, Zirgari Sarien epaimahaikide izandako eta duela gutxi hildako Lucía Martínez Odriozola kazetaria oroitzeko.
Sari banaketa Emakume Langilearen Nazioarteko egunaren bezperan, martxoaren 7an, gauzatuko da. Bilboko BBK Aretoan banatuko dituzte, arratsaldeko 18:00etan.
Sarituak
Medikua da Belen Bilbao, eta ogibidea ez ezik, jardun militantea ere badu medikuntzarena. Ginekologiako 28.000 historia kliniko inguru pilatu ditu. "Bere aisialdiaren eta bere indarren zati handi bat kolektibo behartsuen, bazterkeria-egoeran dauden pertsonen eta, bereziki, kalteberatasun-egoeran dauden emakumeen bizitza hobetzen laguntzera bideratu du", azaldu dute sarien antolatzaileek. Gaztetatik mugimendu feministaren parte izan da Bilbao, unibertsitate garaian hasi baitzen parte hartzen Bizkaiko Mugimendu Feministan, batez ere Bizkaiko Emakumeen Asanbladan.
Barakaldoko Argitan Emakumeentzako Aholku Etxeak 1996tik dihardu emakumeei aholkularitza eskaintzen, indarkeria matxista eta horren ondorioak salatzen, eta politika feministen beharra ageriko egiten. Urtean 350 emakume inguruk jotzen du zentroaren atea. Zifra horretatik tiraka, kalkuluak atera dituzte sariketaren antolatzaileek: "beraz, 26 urteko ibilbidean indarkeria matxistaren eta desberdintasunaren 8.700 biktima baino gehiago artatu ditu, aholkularitza juridikoa, lanekoa, laguntza psikologikoa eta gizarte-prestazioei buruzko informazioa eskainiz".
Skolastika, bestalde, feminismoa, literatura eta aldarrikapena batzen dituen proiektua da. Tailerrak, hitzaldiak, mintegiak eta literatur ikastaroak antolatzen dituzte, horien bidez emakumeen iragan literarioaren berri emateko. "Lan hori nortasun propioarekin garatzen du, emakumeen talentuaren eta sorkuntzen aurkako estereotipoak eta aurreiritziak eraisten laguntzen duen metodologia parte-hartzailea erabiliz", sarituen hitzetan.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]