Belako, Nakar, Benizze, Lysistrata eta Vincen Garcia EHZren 28. edizioan
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
Azken urteetako ereduarekin jarraituko dute antolatzaileek, baina Amikuzeko Aberatze herrian izango da aurtengo EHZren 28. edizioa. Donapaleun egin dute festibalaren aurkezpena, eta bertan, lehen taldeak iragarri zituzten: Belako, Nakar, Benizze, Lystrata eta Vincen Garcia.
Adierazi dutenez, denetariko ekintzak egongo dira plazan egunean zehar (zirkua, haurren txokoa, kontzertuak…). Bestalde, mintzaldi, mahai inguru, tailer eta bestelakoak ere izango dira. Arratsaldetan kontzertuak izan agertokitan banatuta.
Denentzako kultura
“Euskal kultura azpi-kultura dela kontsideratzen du hainbatek, ttipitua, guttitua eta folklorizatua. Hau da, euskal kultura hartu, eta bere errautsak erakusten dituzte, beste kultura hegemoniko batzuen barne den iraganeko ondare soil bat bailitzan. Baina guk, hemendik, ez ditugu errautsak iraunarazten, guk bizi den kultura baten suaren inguruan dantzatzen dugu!”, ziurtatu dute.
Salmenta
Sarrerak aurrez erosteko aukera martxan jarri dute beren webgunean. Hiru eguneko sarrerak 40 euroko prezioa izango dute martxoaren 31ra arte, ondoren garestitzen joango dira: maiatzaren 4ra arte, 50 eurotan eta data horretatik aurrera 60 eurotan.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".
Euskal musikaren eszenan punta-puntan dauden Liher, J Martina, Willis Drummond, Belako, Zetak eta Kristonak gisako taldeak pasako dira EHZko oholtzatik, datorren ostiraletik igandera. Umorezko saiorik ere izango da, baita bertsoak, rap emanaldia eta gaiteroak ere. Antolatzaileek... [+]