Belako, Kolinga, Afrika Bibang, Ada Oda, Kristonak eta Muare, EHZko lehen baieztapenak
EHZ festibalak 27. edizioa ospatuko du ekainaren 30etik uztailaren 2ra; laugarren urtez, Irisarrin. Aurre-salmenta epea zabaldu dute martxoaren 12ra bitartean.
Lehen musika talde baieztatuen berri eman du asteburuan EHZ festibalak: beraz, besteak beste Belako, Kolinga, Afrika Bibang, Ada Oda, Kristonak eta Muare izango dira Irisarrin ekainaren 30etik uztailaren 2ra.
Musikaz gain, kultur eskaintza zabala izaten da urtero festibalean eta bestelako arte diziplinek ere lekua izaten dute egitarauan, hala nola antzerki, zirku eta dantza ikusgarriek. Horien artetik, dagoeneko iragarri dute bat: Ertza dantza konpainiaren Otempodis emanaldia.
Azken urteetako ildotik segitzen dutela azpimarratu dute antolatzaileek, ahal bezain beste musika estilo oholtzara eramanda eta askotariko doinu eta adierazpenak ezagutarazita, sorkuntza berriei plazak eskaini asmoz. Datozen asteetan iragarriko dituzte sortzaile gonbidatu gehiago.
"EHZ, etengabe azalberritzen"
Lelo eta aldarrikapen horixe bera hartu dute festibalaren sustatzaileek, iraganeko eta egungo belaunaldien elkarlana egon badagoelako eta "EHZ etengabe azalberritzen" joan delako bide horretan. "Sugea bezala, sigi-saga segitzen du bere bidea EHZk: Arrosa, Idauze-Mendi, Heleta eta Lekornetik iragan ondotik, aurten, laugarren urtez, Irisarrin", adierazi dute.
Formatuari eutsi
Pasa diren edizioetako eredu berari eutsiko diote aurten ere. Irisarriko plazan, egunez eta dohainik, askotariko animazio, zirku eta emanaldiez gozatu ahal izango da, eta bertan izango da haurren txokoa ere. Kultur etxean, Ospitale deiturikoan, "gaur egungo erronka eta premien" inguruko hitzaldiak, mahai inguruak eta tailerrak izango dira, eta arratsaldean pentzean izango dute segida kontzertuek. Azken hori bai, ordainduta. Kanpaldia egiteko lekua alboan egongo da.
Aurre-salmenta zabalik
Datozen asteetan izen gehiago iragarriko badituzte ere, sarrerak erosteko moduan dira jada. Lehen bonuak zabaldu ziren iragan abenduan, baina atzera ere zabaldu dute eta segituan itxiko da berriz, martxoaren 12an. Hiru egunetarako sarrerak 40 euroan daude salgai ehz.eus atarian; apirilean ekingo diote berriro sarrerak saltzeari, ordurako talde gehiago iragarrita; eta egunez egunekoei helduko diete azkenik.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".
Euskal musikaren eszenan punta-puntan dauden Liher, J Martina, Willis Drummond, Belako, Zetak eta Kristonak gisako taldeak pasako dira EHZko oholtzatik, datorren ostiraletik igandera. Umorezko saiorik ere izango da, baita bertsoak, rap emanaldia eta gaiteroak ere. Antolatzaileek... [+]
Aurten ere Iparraldeko ikastetxeetan euskal kulturaren inguruko saioak antolatu dituzte, gazteei festibalaren baloreak transmititzeko asmoz. Ekainaren 1ean iragarriko dute programazio osoa, eta aurresalmenta maiatzaren 31 arte egongo da irekita.
Aurten ere egitarau anitza izango dutela aurreratu dute, "askotariko estilo eta unibertsoetatik datozen artistekin". Euskal Herriko kultur sorkuntzak erdigunean izanda, beste jatorri batzuetako eskaintza ere izango da. Proiektu berriei leku berezia eskaini nahi diete,... [+]