Martxan da Belaguako Garrido Jeneralaren kuartelaren eraistea
ErriBerri eraikuntza enpresak sei hilabete ditu Izabako lursaila “inguruarekin bat datorren egoera naturalean” uzteko. Orain lanen bigarren faseari ekingo diote, hondakinak, zimenduak eta gasolio depositu zaharrak kentzeko.
Hilabete bat besterik ez da igaro Belaguako aterpe militarra behera botatzen hasi zirenetik. Garrido Jeneralaren kuartela ez da 2005tik erabiltzen, eta datorren udaberrian ez da eraikinaren arrastorik geratuko. “Erraza izan ez bada ere, hona iristeko ibilbide judizial garrantzitsua izan dela” berresten du Carlos Anautek, Izabako alkateak.
Urriaren hasieran hasi zituen obrak ErriBerri enpresak, eta sei hilabeteko epea du 495.000 euroko balioa duen Defentsa Ministerioak esleitutako lana egiteko. Orain obra-hondakinak baino ez dira geratzen. Bigarren faseari ekingo diote, hondakinak, zimenduak eta gasolio depositu zaharrak kentzeko. Amaieran mendi-magalean belarra ereingo dute.
Defentsa Ministerioak hamar urte eman zituen lursailak itzultzeko
1981. urtean hasi zen eraikitzen aterpe militarra, Espainiako Armadaren "erabaki estrategiko" batek Erronkariko Ibarreko Batzar Nagusia behartu zuenean Armadari 10.500 metro koadro ematera. 2005ean garrantzi militarrik ez zuela erabaki, eta abandonatu egin zuten. Harrezkeroztik lursaila leheneratzeko bidea hasi zuten bailarako bizilagun nahiz autoritateek. 2010ean Ibarreko Batzar Nagusiak kuartelaren eraistea lortzeko prozesu judiziala martxan jarri zuen lursaila Izabako Udalak berreskura zezan. Hainbat helegite jarri ostean, 2013an Madrilgo Justizia Auzitegi Nagusiak batzarraren aldeko epaia eman zuen. Defentsa Ministerioak ez zuen bete, eta beste hamar urte igaro ziren 2023an auzitegiak Defentsa “inguruarekin bat datorren egoera naturalean” behartzen zuen autoa eman zuen arte.
“Hiruzpalau astean eraikina lurrera bota eta arriskua kendu dugu. Botatzea da gutxien kostatzen dena. Barrutik garbitzen hasi ginen, eta orain hormigoia birrintzen eta burdina ateratzen ari gara”, azaldu du obraren buru Roberto Izquierdok. 2023ko Madrilgo Justizia Auzitegi Nagusiaren autoak jaso zuenez, “aldez aurretik egiaztatu behar da lurzoru horiek ez daudela kutsaturik, urte askoan abandonu eta kontserbazio egoera tamalgarrian egon diren gasolio biltegietako eta hobi aseptikoetako hondakinik gabe”.
“Irudi txarra ematen zuen hondamena eta arriskua”
“Asfalto kanpainan” daudelako kamioiak falta direla dio Izquierdok. Kuartelaren kokalekuak eta orografiak lanak zailtzen dituztela ere azaldu du. Klimatologia dela eta neguan lanak eten beharko dituztela esplikatu du enpresak, eta, hegala erein arte itxaron beharko dutela azpimarratu du. Kuartelaren eraistea “albiste ona” dela adierazi du Izabako alkateak, bertako autoritate, mendizale zein ekologisten antzera. “Aterpeak irudi txarra ematen zuen, hondamena eta arriskua zen. Ateak eta leihoak zigilatu behar izan genituen, eta hala ere jendea sartzen zen. Bideraezina zen beste erabilera bat ematea; onena da eremua lehen zegoen bezala uztea”, gaineratu du.
Loiolako kuartelen afera ez dago bere onenean. Espainiako Defentsa Ministerioak eta Donostiako Udalak akordioa “aldi baterako” etetea erabaki zuten joan den astean, hilaren 18a baino lehenago ezin izango zutelako gauzatu, eta hori delako, hain zuzen, salerosketa... [+]
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
9.791 milioi eurotik 12.317 milioira igoko du gastu militarra Espainiako Gobernuak, NATOk ezarritako helburua betetzeko. %42,5 igo dira armamentura bideratutako diru-partidak PSOEren eta Unidas Podemosen koalizio gobernua Moncloara heldu zenetik.
Pasa den astelehenean, sua piztu zen Bardean, eta Poligonoaren Aurkako Asanbladak Espainiako armadaren maniobra militarrei egotzi die ezbeharra.
Aste-akabu honetan, Espainiako Armadako Mendez-Nuñez izeneko fragata helduko da Getxoko gurutza-ontzien terminalera. Hala, maiatzaren 6tik 8ra bitartean, itsasontzi horrek bere ateak irekiko ditu publikoki. Horren aurrean, Getxoko EH Bilduk deitoratu du bisita hori... [+]
Munduko gastu militarrak lehenbizikoz gainditu du bi bilioi dolarreko langa. 2021ean 2,11 bilioi dolar xahutu dira, 1,97 bilioi euro, 2020an baino %0,7 gehiago, balio errealei erreparatuta. Aintzat hartuta pandemia betean egindako gastuez ari garela, eta Ukrainako gerra... [+]
Barne Produktu Gordinaren %1,4 bideratzen da gaur egun Espainiako Defentsa ministeriora. Gastua %2raino igo nahi du datozen urteetan Gobernuak, Pedro Sánchezek iragarri duenez.
Nafarroako ikastetxe guztiek jaso dute Espainiako Indar Armatuen nondik norakoak jasotzen dituen eskola dokumentua. LAB sindikatuak bidalketa salatu du, sare sozialetan.
